କେନ୍ଦୁଝର,୨୬।୧୨(ସ୍ବ.ପ୍ର.): କେନ୍ଦୁଝର ଜିଲା ଘଟଗାଁ ବ୍ଲକ ଅନ୍ତର୍ଗତ ପିପିଳିଆ ୨୦ ନଂ ଜାତୀୟ ରାଜପଥ କଡରେ ଥିବା ଏକ ପେଟ୍ରୋଲ ପମ୍ପକୁ ଗାଡି ଚଳାଚଳ କରିବା ପାଇଁ ୨୦ ନଂ ଜାତୀୟ ରାଜପଥର ଡିଭାଇଡରକୁ ଭାଙ୍ଗି ଦିଆଯାଇଛି। ଏହି ଘଟଣାକୁ ନେଇ ସ୍ଥାନୀୟ ଲୋଙ୍କ ମଧ୍ୟରେ ଅସନ୍ତୋଷ ବ୍ୟକ୍ତ କରିଛନ୍ତି ା ଲୋକଙ୍କ ଅଭିଯୋଗ ମୁତାବକ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ରାଜପଥରେ ଡିଭାଇର ତିଆରି ହୋଇଥିଲା। ହେଲେ ଜାତୀୟ ରାଜପଥ ପ୍ରାଧିକରଣର ବିନା ଅନୁମତିରେ ଡିଭାଇଡରକୁ ଭଙ୍ଗା ଯାଇଥିବାରୁ ଦୁର୍ଘଟଣା ଘଟୁଛି। ଏଭଳି ପରିସ୍ଥିତିରେ ଦୁର୍ଘଟଣା ରୋକିବା ପାଇଁ ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ନେବା ସହ ରାସ୍ତାର ମରାମତି ଓ ନିର୍ମାଣ କାମ କରାଯାଉଛି। ବେଆଇନ ଭାବେ ପାଖାପାଖି ୧୦୦ମିଟର ଡିଭାଇଡର ଓ ରାସ୍ତାକୁ କାହିଁକି ଭଙ୍ଗାଗଲା ତାହାକୁ ନେଇ ପ୍ରଶ୍ନ ଉଠିଛିି। ଏପରିକି ରାସ୍ତାରେ ଯାତାୟାତ କରୁଥିବା ଏନ୍ଏଚ୍ଏଆଇର ପାଟ୍ରୋଲିଂ ଗାଡି ମଧ୍ୟ ଜାଣି ଚୁପ ରହିବା ସନ୍ଦେହକୁ ଅଧିକ ଘନୀଭୂତ କରୁଛି ା ଏଥିରେ ଏନ୍ଏଚଏଆଇର କେତେକ ଦୁର୍ନିତିଗ୍ରସ୍ତ କର୍ମଚାରୀଙ୍କ ହାତ ଥିବା ସ୍ଥାନୀୟ ଲୋକ ଅଭିଯୋଗ କରି କାର୍ଯ୍ୟାନୁଷ୍ଠାନ ଦାବି କରିଛନ୍ତି ା