ଭୁବନେଶ୍ୱର, ୧୧।୩:(ଅନୁରାଧା ମହାରଣା) ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ) ଭୁବନେଶ୍ୱର ମଣ୍ଡଳର ସ୍ଥାନୀୟ ମୁଖ୍ୟ କାର୍ଯ୍ୟାଳୟ ଓ ସମସ୍ତ କ୍ଷେତ୍ରୀୟ ବ୍ୟବସାୟିକ କାର୍ଯ୍ୟାଳୟରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। ଚଳିତ ବର୍ଷ ମିଳିତ ଜାତିସଂଘ ଆନ୍ତର୍ଜାତୀୟ ମହିଳା ଦିବସ ୨୦୨୪ ପାଇଁ ‘ମହିଳାମାନଙ୍କ ପାଇଁ ବିନିଯୋଗ: ପ୍ରଗତି ତ୍ୱରାନ୍ବିତ’ଶୀର୍ଷକ ଘୋଷଣା କରିଛି।
ଏହି ପରିପ୍ରେକ୍ଷୀରେ, ମୁଖ୍ୟ ମହାପ୍ରବନ୍ଧକ ଦୀନେଶ ପରୁଥିଙ୍କ ନେତୃତ୍ୱରେ ଭୁବନେଶ୍ୱର ମଣ୍ଡଳ ତାହାର ୨୧ଟି କ୍ଷେତ୍ରୀୟ ବ୍ୟବସାୟିକ କାର୍ଯ୍ୟାଳୟ ପକ୍ଷରୁ ମହିଳାମାନଙ୍କୁ ୬୩୦ଟି ସିଲେଇ ମେସିନ ଏବଂ ଛତା ପ୍ରଦାନ କରିଛନ୍ତି। ଏହି କାର୍ଯ୍ୟକ୍ରମରେ ଷ୍ଟେଟ ବ୍ୟାଙ୍କ ନେଟୱର୍କ-୧ ମହାପ୍ରବନ୍ଧକ ପୋନ୍ନମବଲମ ମୁରୂଗନ , ନେଟୱର୍କ-୨ ମହାପ୍ରବନ୍ଧକ ଉତ୍ତମ କୁମାର ହାଜରା ଚୌଧୁରୀ, ମଣ୍ଡଳ ବିକାଶ ଅଧିକାରୀ ମନୋଜ କୁମାର ସିଂଙ୍କ ସମେତ ବହୁ ଅଧିକାରୀ ଓ କର୍ମଚାରୀବର୍ଗ ଉପସ୍ଥିତ ଥିଲେ। ସହାୟକ ମହାପ୍ରବନ୍ଧକ (ମାନବ ସମ୍ବଳ) ପୂର୍ଣ୍ଣେନ୍ଦୁ ମହାପାତ୍ର ଏହି କାର୍ଯ୍ୟକ୍ରମର ପରିଚାଳନା କରିଥିଲେ ।