ସ୍ବାମୀଙ୍କ ସହମତି ବିନା ବାରମ୍ବାର ବାପ ଘରକୁ ଯାଉଥିବା ସ୍ତ୍ରୀଙ୍କ କାର୍ଯ୍ୟ ଛାଡ଼ପତ୍ର-କ୍ରୁରତା ଶ୍ରେଣୀଭୁକ୍ତ ନୁହେଁ, ହାଇକୋର୍ଟ…

ନୂଆଦିଲ୍ଲୀ, ୧୩।୬ : ଆହ୍ଲାବାଦ ହାଇକୋର୍ଟ କହିଛନ୍ତି ଯେ ସ୍ବାମୀ ଏବଂ ପରିବାରର ଅନ୍ୟ ସଦସ୍ୟଙ୍କ ସହମତି ବିନା ବାରମ୍ବାର ନିଜ ବାପଙ୍କ ଘରକୁ ଯାଉଥିବା ସ୍ତ୍ରୀଙ୍କ କାର୍ଯ୍ୟ ତାଙ୍କୁ ଛାଡ଼ପତ୍ର ଦେବାର ଅପରାଧ ହୋଇପାରିବ ନାହିଁ କିମ୍ବା ଏହାକୁ କ୍ରୁରତା ଶ୍ରେଣୀଭୁକ୍ତ କରାଯାଇ ପାରିବ ନାହିଁ।

ବିଚାରପତି ସୁନୀତା ଅଗ୍ରୱାଲ ଏବଂ କୃଷ୍ଣ ପହଲଙ୍କ ନେତୃତ୍ୱରେ ଗଠିତ ଏକ ଖଣ୍ଡପୀଠ ଏକ ଆବେଦନର ବିଚାର କରି ଏଭଳି କହିଛନ୍ତି। ଖଣ୍ଡପୀଠ ସ୍ତ୍ରୀଙ୍କ ଆବେଦନକୁ ଗ୍ରହଣ କରିଛନ୍ତି। ଏହି ଆବେଦନରେ ବରେଲି ପରିବାର କୋର୍ଟଙ୍କ ହିନ୍ଦୁ ବିବାହ ଆଇନର ଧାରା ୧୩ ଅନୁଯାୟୀ ସ୍ବାମୀଙ୍କ ସପକ୍ଷରେ ଛାଡପତ୍ରର ଆଦେଶ ପ୍ରଦାନ କରାଯାଇଥିବା ନିଷ୍ପତ୍ତି ଏବଂ ଆଦେଶକୁ ସ୍ତ୍ରୀଙ୍କ ପକ୍ଷରୁ ଚ୍ୟାଲେଞ୍ଜ କରାଯାଇଛି।

ଆବେଦନକାରିଣୀ ସ୍ତ୍ରୀ ମୋହିତ ପ୍ରୀତ କପୁର ଏବଂ ପ୍ରତିପକ୍ଷ ସ୍ବାମୀ ସୁମିତ କପୁର ଡିସେମ୍ବର ୨୦୧୩ରେ ବିବାହ କରିଥିଲେ। ଜୁଲାଇ ୨୦୧୭ରେ, ସ୍ବାମୀ ଛାଡପତ୍ର ପାଇଁ ଆବେଦନ କରିଥିଲେ ଯେ ସ୍ତ୍ରୀ କୌଣସି କାରଣ ନଥାଇ ତାଙ୍କ ଅନୁପସ୍ଥିତିରେ ଜାନୁୟାରୀ ୨୦୧୫ରେ ଘର ଛାଡ଼ି ବାପ ଘରକୁ ପଳାଇଛନ୍ତି। ଜାନୁୟାରୀ ୨୦୧୭ ରେ ଯେତେବେଳେ ସେ ସ୍ବାମୀଙ୍କ ଘରକୁ ଯିବାକୁ ମନା କରିଦେଇଥିଲେ।

ଛାଡପତ୍ର ପାଇଁ ଆଉ ଏକ କାରଣ ହେଉଛି ସ୍ତ୍ରୀ ଘରର କାମ କରିବାକୁ ମନା କରିଦେଇଥିଲେ ଏବଂ ସ୍ବାମୀଙ୍କ ପରିବାର ସଦସ୍ୟଙ୍କ ସହ ଅସଦାଚରଣ କରିଥିଲେ। ସେପ୍ଟେମ୍ବର ୨୦୧୭ରେ, ସ୍ତ୍ରୀ ରକ୍ଷଣାବେକ୍ଷଣ ପାଇଁ ହିନ୍ଦୁ ବିବାହ ଆଇନର ଧାରା ୨୪ ଅନୁଯାୟୀ ଏକ ଆବେଦନ କରିଥିଲେ। ଏହାକୁ ଗ୍ରହଣ କରି କୋର୍ଟ ଆବେଦନକାରୀଙ୍କୁ ମାସିକ ରକ୍ଷଣାବେକ୍ଷଣ ହିସାବରେ ୫୦୦ ଟଙ୍କା ଏବଂ ତାଙ୍କ ଝିଅଙ୍କ ପାଇଁ ୨୦୦୦ ଟଙ୍କା ଦେବାକୁ ନିର୍ଦ୍ଦେଶ ଦେଇଥିଲେ। ଅପର ପକ୍ଷରେ, ସ୍ତ୍ରୀ ଅଭିଯୋଗ କରିଥିଲେ ଯେ ତାଙ୍କୁ ଘରୁ ବାହାର କରି ଦିଆଯାଇଥିଲା। ପରେ ସ୍ବାମୀ ଅବା ତାଙ୍କ ଘରର କୌଣସି ସଦସ୍ୟ ନେବାକୁ ଆଦି ନଥିଲେ।