ଭୁବନେଶ୍ୱର,୨୧।୧୦:ଚଳିତ ବର୍ଷର ଦୀପାବଳି ପର୍ବକୁ ହର୍ଷ ଓ ଉଲ୍ଲାସ ସହକାରେ ନେକ୍ସସ୍ ଏସ୍ପ୍ଲାନେଡ୍ ମଲ୍ ପକ୍ଷରୁ ପାଳନ କରାଯାଉଛି। ଏପରିକି ମଲ୍ ପରିସରରେ ଏକ ବୃହତ୍ ଦୀପ ଘାରୋଣ୍ଡା ଦୀପ ଜ୍ୟୋତି ସ୍ତମ୍ଭ ଓ ସାଜସଜ୍ଜାରେ ଆଲୋକର ପର୍ବକୁ ଆଡମ୍ବର ସହକାରେ ପାଳନ ପାଇଁ ବିଶେଷ ଭାବେ ଆୟୋଜନ କରାଯାଇଛି। ବିଶେଷ କରି ମଲ୍ର ସିଏସ୍ଆର୍ ଅଭିଯାନ ଅଂଶ ଭାବେ ‘ ଲାଇଟ ଅଫ୍ ହାପିନେସ ’ର ପ୍ରସ୍ତୁତି ହୋଇଛି। ମଲ୍ ପରିସରକୁ ଆସୁଥିବା ସମସ୍ତ ଗ୍ରାହକଙ୍କୁ ମଧ୍ୟ ଏଥିରେ ସାମିଲ ହେବାକୁ ମଲ୍ ପକ୍ଷରୁ କୁହାଯାଇଛି। ଦୀପାବଳି ଅବସରରେ ଲୋକମାନଙ୍କ ଜୀବନକୁ ଆଲୋକିତ କରିବା ପାଇଁ ଏହା ଉଦ୍ଦିଷ୍ଟ। ଏପରିକି ଯେଉଁମାନେ ଏଭଳି ଏକ ଭଲ କାର୍ଯ୍ୟରେ ସହଯୋଗ କରିବାକୁ ଚାହଁୁଛନ୍ତି, ସେମାନେ ମଧ୍ୟ ସେହି ସ୍ଥାନରେ ଦୀପ କିଣି ଦୀପ ସ୍ତମ୍ଭରେ ରଖିପାରିବେ। ଏହି ଅଭିଯାନରୁ ମିଳୁଥିବା ଅର୍ଥ ଆବଶ୍ୟକ କରୁଥିବା ଲୋକମାନଙ୍କ ହିତକାର୍ଯ୍ୟରେ ନିୟୋଜିତ ହେବା ସହିତ ଅନ୍ୟର ଜୀବନକୁ ମଧ୍ୟ ଆଲୋକିତ କରିପାରିବ ଏବଂ ଏହାକୁ ଏକ ପ୍ରକୃତ ଆଲୋକର ପର୍ବ ବୋଲି କୁହାଯିବ। ଏହି ଉତ୍ସବକୁ ନେକ୍ସସ୍ ଏସ୍ପ୍ଲାନେଡ୍ ଓ ଆରନା ଫାଉଣ୍ଡେଶନ ମିଳିତ ଭାବେ ଆୟୋଜନ କରିଛନ୍ତି।