ଭଞ୍ଜନଗର,୧୪ା୧୧(ଡି.ଏନ୍.ଏ.): ଚଳିତବର୍ଷ ବାଣ ଫୁଟାଇବା ଉପରେ ପ୍ରତିବନ୍ଧକ ଲାଗିଥିବା ବେଳେ ଶନିବାର ଦୀପାବଳି ଅବସରରେ ବସ୍ତି ଅଞ୍ଚଳରେ ରଙ୍ଗୋଲି କାର୍ଯ୍ୟକ୍ରମ ଆୟୋଜନ କରାଯାଇଛି। ଭଞ୍ଜନଗର ଏନ୍ଏସି ପକ୍ଷରୁ ବସ୍ତି ଅଞ୍ଚଳରେ ବସବାସ କରୁଥିବା ଲୋକଙ୍କ ସହ ଦୀପାବଳି ଉତ୍ସବ ପାଳନ କରାଯାଇଥିଲା।
ଏନ୍ଏସି ନିର୍ବାହୀ ଅଧିକାରୀ ଚିନ୍ମୟ ଆଚାର୍ଯ୍ୟ, ଯନ୍ତ୍ରୀ ସୁଶାନ୍ତ ସାହୁ, ବସ୍ତି ଅଞ୍ଚଳ ଉନ୍ନୟନ କମିଟିର ସଂଯୋଜକ ପଞ୍ଚାନନ ପାଳ, ଶୂଳପାଣି ଶତପଥୀ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ସରକାରୀ ଗୃହ ପାଇଥିବା ହିତାଧିକାରୀମାନେ ଘର ସମ୍ମୁଖରେ ଝୋଟି ଆଙ୍କିବା ସହ ଘରକୁ ଆଲୋକମାଳାରେ ସଜାଇଥିଲେ।