ବଲିଉଡ୍ ଅଭିନେତ୍ରୀ ଦିୟା ମିର୍ଜା କିଛି ଘଣ୍ଟା ମଧ୍ୟରେ ପୁନଃ ଦାମ୍ପତ୍ୟ ଜୀବନ ଆରମ୍ଭ କରିବାକୁ ଯାଉଛନ୍ତି। ସେ ପ୍ରଥମ ସ୍ବାମୀ ସାହିଲ ସାଙ୍ଘଙ୍କଠାରୁ ଛାଡ଼ପତ୍ର ପରେ ତାଙ୍କ ଜୀବନରେ ଆସିଥିବା ବୈଭବ ରେଖିଙ୍କ ସହ ପୁନଃ ବିବାହ କରିବାକୁ ଯାଉଛନ୍ତି। ସୋସିଆଲ ମିଡିଆରେ ସକ୍ରିୟ ଥିବା ଦିୟା ତାଙ୍କ ଜୀବନର ଏହି ଖୁସିକୁ ଏକ ନୂଆ ପୋଷ୍ଟ ସହ ଶେୟାର କରିଛନ୍ତି।
ଦିୟା ତାଙ୍କ ହାତରେ ମେହେନ୍ଦୀ ଲଗାଇଛନ୍ତି। ସେ ଇନ୍ଷ୍ଟାଗ୍ରାମ ଆକାଉଣ୍ଟରେ ତାଙ୍କ ହାତର ଏକ ଫଟୋ ଶେୟାର କରିଛନ୍ତି। ହାତ ମେହେନ୍ଦୀ ରଙ୍ଗରେ ବହୁତ ଉଜ୍ଜ୍ୱଳ ଦେଖାଯାଉଛି। ତାଙ୍କ ହାତର ଏକ ଟାଟୁ ମଧ୍ୟ ନଜରକୁ ଆସିଛି। ଫଟୋ ସହିତ ସେ କ୍ୟାପ୍ଶନରେ ‘ପ୍ୟାର’ ଲେଖିଛନ୍ତି। ଦିୟା ତାଙ୍କ ଜୀବନର ଦ୍ୱିତୀୟ ଇନିଂସ ଆରମ୍ଭ କରିବାକୁ ଯାଉଛନ୍ତି। ତାଙ୍କ ମେହେନ୍ଦୀ ଫଟୋ ବ୍ୟତୀତ, ସେ ଅନ୍ୟ ଏକ ଫଟୋ ଶେୟାର କରିଛନ୍ତି, ଯାହା ବହୁତ ସୁନ୍ଦର ଦେଖାଯାଉଛି। ଏହି ଫଟୋରେ ଦିୟା ଏକ ଧଳା ରଙ୍ଗର ବ୍ରାଇଡାଲ ଡ୍ରେସ ପିନ୍ଧିଥିବା ଦେଖିବାକୁ ମିଳିଛି।