ମେଲବୋର୍ନ, ୨୦ା୧: ସର୍ବୀୟ ଟେନିସ ଷ୍ଟାର ନୋଭାକ୍ ଜୋକୋଭିଚ୍ ସିଜନର ପ୍ରଥମ ଗ୍ରାଣ୍ଡସ୍ଲାମ ଇଭେଣ୍ଟ ଅଷ୍ଟ୍ରେଲିଆନ ଓପନ ଟେନିସ ପ୍ରତିଯୋଗିତାର ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି । ଏହା ତାଙ୍କ ୧୦୦ତମ ମ୍ୟାଚ ଥିଲା । ଟପ୍ ସିଡ୍ ଜୋକୋଭିଚ୍ ତାଙ୍କ ଫର୍ମ ଜାରିରଖିବା ସହ ଶୁକ୍ରବାର ଖେଳାଯାଇଥିବା ୩୦ତମ ସିଡ୍ ଥୋମାସ ମାର୍ଟିନ ଇଚିଭେରିଙ୍କୁ ୬-୩, ୬-୩, ୭-୬ (୭-୨)ରେ ହରାଇ ଦେଇଛନ୍ତି । ୩୬ ବର୍ଷୀୟ ଏହି ଟେନିସ ଷ୍ଟାର ଏଠାରେ ଚାମ୍ପିୟନ ହେଲେ ତାଙ୍କ ମୋଟ ଗ୍ରାଣ୍ଡସ୍ଲାମ ଟାଇଟଲ ସଂଖ୍ୟା ୨୫ରେ ପହଞ୍ଚତ୍ବ, ଯଦ୍ଦ୍ବାରା ସେ ଅଷ୍ଟ୍ରେଲିଆର ମାର୍ଗାରେଟ କୋର୍ଟଙ୍କ ଦ୍ୱାରା ପ୍ରତିଷ୍ଠିତ ସର୍ବକାଳୀନ ରେକର୍ଡକୁ ଅତିକ୍ରମ କରିଯିବେ । ଚଳିତ ଟୁର୍ନାମେଣ୍ଟରେ ଏପର୍ଯ୍ୟନ୍ତ ଏହା ତାଙ୍କର ଶ୍ରେଷ୍ଠ ପ୍ରଦର୍ଶନ ଥିଲା ବୋଲି ଜୋକୋଭିଚ୍ କହିଛନ୍ତି । ମେଲବୋର୍ନରେ ସେ ଏପର୍ଯ୍ୟନ୍ତ ଖେଳିଥିବା ତାଙ୍କ ୧୦୦ଟି ମ୍ୟାଚ ମଧ୍ୟରୁ ସେ ୯୨ଟିରେ ବିଜୟ ହାସଲ କରିପାରିଛନ୍ତି । ବର୍ତ୍ତମାନ ସେ ସମସ୍ତ ୪ ଗ୍ରାଣ୍ଡସ୍ଲାମରେ ୧୦୦ ଲେଖାଏ ମ୍ୟାଚ ଖେଳିବାରେ ପ୍ରଥମ ଖେଳାଳି ବିବେଚିତ ହୋଇଛନ୍ତିା ପୁରୁଷ ସିଙ୍ଗଲ୍ସରେ ଖେଳାଯାଇଥିବା ଅନ୍ୟ ମ୍ୟାଚଗୁଡ଼ିକରେ ରୁଷିଆର ଆଣ୍ଡ୍ରେ ରୁବ୍ଲେଭ ୬-୨, ୭-୬ (୮-୬), ୬-୪ରେ ଆମେରିକାର ପିଟର କୋଡ୍ରାଙ୍କୁ ହରାଇ ଦେଇଛନ୍ତିା ଅଷ୍ଟ୍ରେଲିଆର ଆଲେକ୍ସ ଡି’ ମିନାଉର ୬-୩,୬-୩, ୬-୧ ସେଟ୍ରେ ଇଟାଲୀର ଫାବିଓ କୋବୋଲିଙ୍କୁ ପରାସ୍ତ କରି ଚତୁର୍ଥ ରାଉଣ୍ଡକୁ ଉନ୍ନୀତ ହୋଇଛନ୍ତିା ଗ୍ରୀସ୍ର ଷ୍ଟିଫାନସ ସିତ୍ସିପାସ ୬-୩, ୬-୦, ୬-୪ରେ ଫ୍ରାନ୍ସର ଲୁକା ଭାନ୍ ଆଚ୍ଙ୍କୁ ପରାସ୍ତ କରିଛନ୍ତିା
ମହିଳା ବିଭାଗରେ ରୁଷିଆର ସ୍ବଳ୍ପ ବୟସ୍କା ୧୬ ବର୍ଷୀୟା ମିରା ଆନ୍ଦ୍ରିଭା ଦୃଢ ପ୍ରତ୍ୟାବର୍ତ୍ତନ ସହ ଚତୁର୍ଥ ରାଉଣ୍ଡକୁ ଉନ୍ନୀତ ହୋଇଛନ୍ତି । ରୁଷିଆର ଏହି ୧୬ ବର୍ଷ ବୟସ୍କା ନିର୍ଣ୍ଣାୟକ ସେଟ୍ରେ ୫-୧ରେ ଅଗ୍ରଣୀ ରହିଥିବା ବେଳେ ଫ୍ରାନ୍ସର ଡିଆନେ ପ୍ୟାରିଙ୍କୁ ୧-୬, ୬-୧, ୭-୬ (୧୦-୫)ରେ ପରାସ୍ତ କରିଛନ୍ତିା ପ୍ରଥମ ଥର ଅଷ୍ଟ୍ରେଲିଆନ ଓପନ ଖେଳିଥିବା ଆନ୍ଦ୍ରିଭା ଗତବର୍ଷ ମଧ୍ୟ ଓ୍ବିମ୍ବେଲଡନରେ ଚତୁର୍ଥ ରାଉଣ୍ଡକୁ ଉନ୍ନୀତ ହୋଇପାରିଥିଲେ । ପୂର୍ବରୁ ଟାଇଟଲ ବଜାୟ ରଖିବା ଲକ୍ଷ୍ୟରେ ଥିବା ଆରିନା ସାବାଲେଙ୍କା ବର୍ତ୍ତମାନ ପୂର୍ବ ରାଉଣ୍ଡରେ ଲିସା ତିସୁରେଙ୍କୋଙ୍କୁ ୬-୦, ୬-୦ରେ ହରାଇ ଦେଇଛନ୍ତି । ଅନ୍ୟପକ୍ଷରେ ଆଲିସିଆ ପାର୍କଙ୍କ ବିପକ୍ଷରେ କୋକୋ ଗଫ୍ ୬-୦-୬-୨ ସେଟ୍ରେ ବିଜୟ ହାସଲ କରିଥିବା ବେଳେ ରୁଷୀୟ କ୍ୱାଲିଫାୟର ମାରିଆ ଟିମୋଫିଭା ଦଶମ ସିଡ୍ ବିଟ୍ରିଜ ହାଦାଦା ମେଇଆଙ୍କ ବିପକ୍ଷରେ ଚମକପ୍ରଦ ବିଜୟ ହାସଲ କରିଛନ୍ତି ।ଏଥିସହିତ ସେ ୨୦୧୭ ପରେ ଜଣେ ନିମ୍ନ ର଼୍ୟାଙ୍କିଙ୍ଗପ୍ରାପ୍ତ ଖେଳାଳି ହିସାବରେ ମହିଳା ସିଙ୍ଗଲ୍ସ ଚତୁର୍ଥ ରାଉଣ୍ଡ ପ୍ରବେଶରେ ସଫଳ ହୋଇଛନ୍ତି । ମହିଳା ସିଙ୍ଗଲ୍ସରେ ଚେକ୍ ରିପବ୍ଲିକର ବାରବୋରା କ୍ରେଜିକୋଭା ୪-୬, ୭-୫, ୬-୩ରେ ଅଷ୍ଟ୍ରେଲିଆର ଷ୍ଟର୍ମ ହଣ୍ଟରଙ୍କୁ ହରାଇ ଦେଇଛନ୍ତି।