ରୋମ୍, ୧୬ା୫ (ଏପି)- ଷ୍ଟିଫାନସ ସିତ୍ସିପାସଙ୍କ ବିପକ୍ଷରେ ବିଜୟ ହାସଲ କରି ଶୀର୍ଷ ର଼୍ୟାଙ୍କିଙ୍ଗପ୍ରାପ୍ତ ନୋଭାକ୍ ଜୋକୋଭିଚ୍ ଏଠାେରେ ଚାଲିଥିବା ଇଟାଲିଆନ ଓପନ୍ ଟେନିସ ପୁରୁଷ ସିଙ୍ଗଲ୍ସ ସେମିଫାଇନାଲରେ ପ୍ରବେଶ କରିଛନ୍ତି। ବର୍ଷା ଯୋଗୁ ବିଳମ୍ବରେ ଖେଳାଯାଇଥିବା ଏହି କ୍ୱାର୍ଟରଫାଇନାଲ ମ୍ୟାଚରେ ସର୍ବୀୟ ଖେଳାଳି ପ୍ରଥମ ସେଟ୍ରେ ୪-୬ରେ ପରାଜିତ ହେବା ପରେ ସଫଳ ପ୍ରତ୍ୟାବର୍ତ୍ତନ ସହ ସେ ୭-୫, ୭-୫ରେ ମ୍ୟାଚ୍କୁ ଜିତିନେଇଥିଲେ। ସେମିଫାଇନାଲରେ ସେ ଇଟାଲୀର ଲୋରେଞ୍ଜୋ ସୋନେଗୋଙ୍କୁ ଭେଟିବେ। ସୋନେଗୋ କ୍ୱାର୍ଟରଫାଇନାଲରେ ୭ମ ର଼୍ୟାଙ୍କିଙ୍ଗପ୍ରାପ୍ତ ଆନ୍ଦ୍ରେ ରୁବ୍ଲେଭଙ୍କୁ ୩-୬, ୬-୪, ୬-୩ ସେଟ୍ରେ ହରାଇ ଦେଇଛନ୍ତି। ବର୍ଷା ଯୋଗୁ ଶୁକ୍ରବାର ଏହି ମ୍ୟାଚ ଖେଳାଯାଇ ପାରି ନ ଥିଲା। ମ୍ୟାଚ ଦେଖିବା ଲାଗି ଷ୍ଟାଡିୟମ କ୍ଷମତାର ୨୫ ପ୍ରତିଶତ ଦର୍ଶକଙ୍କୁ ଅନୁମତି ଦିଆଯାଇଛି।