ସାଧାରଣତଃ ମାନବ ଶରୀର ଡିଏନ୍ରେ ତିଆରି। ତାହା ହେଉଛି ଡିଓକ୍ସାଇରିବୋନ୍ୟୁକ୍ଲିକ ଏସିଡ୍ (ଡିଏନ୍ଏ)। ବର୍ତ୍ତମାନ ପର୍ଯ୍ୟନ୍ତ ଆମେ ସମସ୍ତେ ଜାଣିଛେ, ଡିଏନ୍ଏର ସଂରଚନା ହେଉଛି ଡବଲ ହେଲିକ୍ସ। କିନ୍ତୁ ବର୍ତ୍ତମାନ ବୈଜ୍ଞାନିକମାନେ ଏକ ସୁସ୍ଥ ମାନବ ଶରୀରର କୋଷରେ ୪ଟି ହେଲିକ୍ସ ଡିଏନ୍ଏ ଆବିଷ୍କାର କରିଛନ୍ତି। ବୈଜ୍ଞାନିକମାନେ ଜାଣିବାକୁ ଚେଷ୍ଟା କରୁଛନ୍ତି କି ଏହି ଡିଏନ୍ଏ ବର୍ତ୍ତମାନ ଏହାର ସଂରଚନା ପରିବର୍ତ୍ତନ କରିବ କି? ମାନବ ଶରୀର ଉପରେ ଏହାର ପ୍ରଭାବ ପଡ଼ିବ କି? ବଦଳିଯିବ ଆଉ ମାନବ ଶରୀରର ଗଠନ? ତେବେ ଜାଣନ୍ତୁ ଏ ସମ୍ପର୍କରେ…
ଡବଲ ହେଲିକ୍ସ ଡିଏନ୍ଏ ହେଉଛି ମାନବ ଶରୀରର ଗଠନ। ସାଧାରଣତଃ ହେଲିକ୍ସ ଡିଏନ୍ଏ କେତେକ କର୍କଟ କୋଷରେ ଦେଖିବାକୁ ମିଳିଥାଏ। ସେଗୁଡ଼ିକ ଲାବୋରେଟୋରୀରେ ପରୀକ୍ଷଣ ପାଇଁ ପ୍ରସ୍ତୁତ।
ପ୍ରଥମ ଥର ପାଇଁ ଏକ ସୁସ୍ଥ ମାନବ ଶରୀରର କୋଷରେ ୪ଟି ହେଲିକ୍ସ ଡିଏନ୍ଏ ମିଳିଛି। ଏହା ପୁଣି ସ୍ଥାୟୀ ଅଟେ। ସୁରକ୍ଷିତ ଏବଂ ଶରୀର ଭିତରେ ସାଧାରଣ ଉପାୟରେ ସୃଷ୍ଟି ହୋଇଛି।
ଲଣ୍ଡନର ଇମ୍ପରିଆଲ କଲେଜର ବୈଜ୍ଞାନିକ ମାର୍କୋ ଡି’ଆଣ୍ଟୋନିଓ କହିଛନ୍ତି ଯେ, ଏହି ୪ଟି ହେଲିକ୍ସ ଡିଏନ୍ଏ ଦେଖି ଆମେ ବର୍ତ୍ତମାନ ଆଶ୍ଚର୍ଯ୍ୟ। ଆମକୁ ପୁଣିଥରେ ଡିଏନ୍ଏର ଗଠନ ବିଷୟରେ ଏକ ନୂତନ ଅଧ୍ୟୟନ ଆରମ୍ଭ କରିବାକୁ ପଡ଼ିବ।
