କାଶୀ,୧୨।୨: ଜୀବନରେ ଶନିମହାଗ୍ରହଙ୍କ ଯୋଗୁ ବିଭିନ୍ନ ବାଧାବିଘ୍ନ ଆସିଥାଏ। କେତେକ ଶନିଙ୍କୁ ଭୟ କରି ଥାନ୍ତି। ତେବେ ଶନି ମହାଗ୍ରହ ନ୍ୟାୟ କାରକ ଗ୍ରହ। ସେ କାହାପ୍ରତି ଅନ୍ୟାୟ କରି ନ ଥାନ୍ତି। ସୁନା ନିଆଁରେ ପଡ଼ିଲେ ଅଧିକ ଉଜ୍ଜଳ ହେବା ପରି ଶନି ମହାଦଶାରେ ଲୋକେ ଇଶ୍ୱର ପ୍ରତି ଅନୁରକ୍ତ ଭାବ ପ୍ରକାଶ କରିବା ସହିତ ସତ୍ ମାର୍ଗରେ ପରିଚଳିତ ହେବାର ପ୍ରେରଣା ପାଇଥାନ୍ତି। ଜାତକରେ ଶନିଙ୍କ ଖରାପ ସ୍ଥିତିରେ ସୁଧାର ଆଣିବା ଲାଗି ଶନିବାର ଦିନ କେତେକ କାର୍ଯ୍ୟ କରାଗଲେ ସୌଭାଗ୍ୟ ପ୍ରାପ୍ତି ହୋଇଥାଏ ବୋଲି ଜ୍ୟୋତିଷ ଶାସ୍ତ୍ରରେ ଉଲ୍ଲେଖ କରାଯାଇଛି। ଶନିବାର ସକାଳେ ଗାଧୋଇ ପାଧୋଇ ଅଶ୍ୱଥ ଗଛ ମୂଳେ ଗାଈ କ୍ଷୀର ଦାନ କରିବା ସହିତ ପିମ୍ପୁଡ଼ିକୁ ଚିନି ଦେଲେ ସୁଫଳ ମିଳିଥାଏ। ସେହିପରି କଳା କୁକୁରକୁ ଖାଦ୍ୟ ଖାଇବାକୁ ଦେଲେ ଶନି ଦେବ ସନ୍ତୁଷ୍ଟ ହୋଇଥାନ୍ତି। ଏହି ସହଜ ଉପାୟ ଦ୍ୱାରା ଶନିଙ୍କ ଖରାପ ପ୍ରଭାବ କଟିବା ସହିତ ଶୁଭଫଳ ପ୍ରାପ୍ତି ହୋଇଥାଏ ବୋଲି ଜ୍ୟୋତିଷ ଶାସ୍ତ୍ରରେ ପରାମର୍ଶ ଦିଆଯାଇଛି।
