ଆଚାର୍ଯ୍ୟ ଚାଣକ୍ୟ ନିଜ ‘ନୀତି ଶାସ୍ତ୍ର’ରେ ମନୁଷ୍ୟ ଜୀବନକୁ ସରଳ ଏବଂ ସଫଳ କରିବା ସହ ଜଡିତ ଅନେକ ବିଷୟ ଉଲ୍ଲେଖ କରିଛନ୍ତି। ଚାଣକ୍ୟ ନୀତିର ଚତୁର୍ଦ୍ଦଶ ଅଧ୍ୟାୟର ୧୭ ତମ ଶ୍ଲୋକରେ ଆଚାର୍ଯ୍ୟ ସେ କହିଛନ୍ତି, ଜଣେ ଜ୍ଞାନୀ ବ୍ୟକ୍ତି ନିଜ ବିଷୟରେ କିଛି କଥା କାହାକୁ କହିବା ଉଚିତ ନୁହେଁ। କାରଣ ଅନ୍ୟକୁ ବ୍ୟକ୍ତିଗତ କଥା କହିଲେ ଅପମାନର ସାମ୍ନା କରିବାକୁ ପଡିପାରେ। ନିଜର ଖରାପ ସମୟରେ ଲୋକଙ୍କ ସମର୍ଥନ ମିଳେନାହିଁ। ଜାଣନ୍ତି ସେ ସବୁ…
> ଔଷଧ ବିଷୟରେ- ଚାଣକ୍ୟଙ୍କ ଅନୁଯାୟୀ, ନିଜର ଔଷଧ ବିଷୟରେ କାହାକୁ କହିବା ଉଚିତ ନୁହେଁ। କେଉଁ ରୋଗ ହୋଇଛି ଏବଂ ଏଥିପାଇଁ କେଉଁ ଔଷଧ ସେବନ କରୁଛ ସେ ନେଇ କାହାକୁ କହିବା ଠିକ୍ ନୁହେଁ। କାରଣ ଏହାଦ୍ୱାରା ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପଡ଼ିପାରେ ।
> ଘରର କଥା – ଚାଣକ୍ୟଙ୍କ ଅନୁଯାୟୀ, ଆପଣଙ୍କ ଘର ସହ ଜଡ଼ିତ କଥା କାହାକୁ କହିିବା ଉଚିତ ନୁହେଁ। ଯେତେ ବିରକ୍ତ ହୁଅନା କାହିଁକି, ନିଜ ଘରର ଦୋଷ କାହାକୁ କୁହ ନାହିଁ। କାରଣ ଏହାଦ୍ୱାରା ଶତ୍ରୁମାନେ ଏହାର ଲାଭ ଉଠାଇବେ।
> ପରିବାରର ସଦସ୍ୟଙ୍କ ସମ୍ପର୍କରେ କୁଚର୍ଚ୍ଚା – ପରିବାର ସଦସ୍ୟଙ୍କ ପ୍ରତି କଦାପି ମନ୍ଦ ଚର୍ଚ୍ଚା କରିବା ଉଚିତ ନୁହେଁ। ଯଦି ଜଣେ ସଦସ୍ୟଙ୍କ ପାଖରେ କିଛି ଅଭାବ ରହିଛି ତେବେ ସେନେଇ କାହାକୁ କୁହନ୍ତୁ ନାହିଁ। କାରଣ ପରିବାର ବିଷୟରେ କୁଚର୍ଚ୍ଚା କରିବା ଦ୍ୱାରା ପରିବାରର ଉପହାସ ହୁଏ। ଏହାଦ୍ୱାରା ନିଜ ସମ୍ମାନ ହାନି ହୁଏ।
> ସମ୍ଭୋଗ କିମ୍ବା ନିଜ ପ୍ରେମସମ୍ପର୍କ ବିଷୟରେ- ସ୍ବାମୀସ୍ତ୍ରୀ ସେମାନଙ୍କର ବୈବାହିକ ଜୀବନ କିମ୍ବା ସମ୍ପର୍କ ବିଷୟରେ କାହାକୁ କହିବା ଉଚିତ ନୁହେଁ। ସମ୍ଭୋଗ ସମୟରେ ଯଦି କୌଣସି ଭୁଲ ହୋଇଥାଏ, ତେବେ ସେ ବିଷୟରେ ଅନ୍ୟ କାହାକୁ କହିବା ଉଚିତ ନୁହେଁ ।
> ଟଙ୍କା ଏବଂ ମନ୍ତ୍ର – ତୁମର ଧନ ବିଷୟରେ କାହାକୁ କୁହ ନାହିଁ । ଯଦି ତୁମେ କିଛି ମନ୍ତ୍ର ଜପ କର, ଏହାକୁ ତୁମ ମନରେ ରଖିବା ଦ୍ୱାରା ଅଧିକ ପ୍ରଭାବ ପଡ଼ିଥାଏ। ଏହା ବ୍ୟତିତ ମନ୍ଦ ଏବଂ ଅପମାନଜନକ କଥାକୁ ନିଜ ମନରେ ରଖିବା ଭଲ। ଏହି କାରଣରୁ ସମାଜରେ ସମ୍ମାନ ବଜାୟ ରହିଥାଏ।