କିଛି ଧର୍ମରେ ମୃତ୍ୟୁପରେ ମଣିଷଙ୍କୁ କବର ଦିଆଯାଇଥାଏ। ସେଥିପାଇଁ ଗାଁ ଓ ସହରରେ କବରସ୍ଥଳ ଥାଏ। ଯେଉଁଠି ଲୋକେ ନିଜ ପରିବାରର ଦିବଗନ୍ତ ସଦସ୍ୟଙ୍କୁ କବର ଦେଇଥାନ୍ତି। ତେବେ ଜାଣନ୍ତି କି ମଣିଷଙ୍କ ପରି ଉଡାଜାହାଜ ବା ବିମାନର କବରସ୍ଥଳ ବି ଅଛି, ଯେଉଁଠି ଉଡାଜାହାଜକୁ ପୋତା ଯାଇ ନ ଥାଏ। ବରଂ କଳଙ୍କି ଲାଗିବା ପାଇଁ ସେଠାରେ ଛାଡି ଦିଆଯାଏ। ଏଠି ସେଠି ଠିଆ ହୋଇଥିବା କୋଟି କୋଟି ଟଙ୍କାର ଉଡାଜାହାଜ ଦେଖିଲେ ମନରେ ଭୟ ବି ସୃଷ୍ଟି ହୋଇଥାଏ। ତେବେ ଏତେ ସଂଖ୍ୟକ ପରିତ୍ୟକ୍ତଭାବେ ପଡିଥିବା ଉଡା ଜାହାଜ ଏଠି ଏଇଥିପାଇଁ ରଖାଯାଇଥାଏ କାରଣ ଏସବୁ ଉଡିବା ସ୍ଥିତିରେ ନ ଥାଆନ୍ତି। ବ୍ୟାଂକକ୍ର ପୂର୍ବରେ ଥିବା ଏକ ଖୋଲା ପଡିଆ ଅଛି ଏହିଭଳି ଏକ ଉଡାଜାହାଜ କବରସ୍ଥଳ, ଯେଉଁଠି ଉଡାଜାହାଜ ଖରାପ ହେବା ପରେ ରଖାଯାଇଥାଏ। ଏହା ସେଠାକାର ବିମାନ କବରସ୍ଥଳଭାବେ ପରିଚିତ। ଆଉ ଏବେ ଏହା ପର୍ଯ୍ୟଟନସ୍ଥଳ ପାଲଟିବାରେ ଲାଗିଛି। କାରଣ ଅନେକ ପର୍ଯ୍ୟଟକ ଏହି ଭଙ୍ଗା ଉଡାଜାହାଜକୁ ଦେଖିବାକୁ ଆସୁଛନ୍ତି। ଏହି ଉଡାଜାହଗୁଡିକର ଆଭ୍ୟନ୍ତରୀଣ ପାର୍ଟଗୁଡିକୁ ବାହାର କରି ଅଳିଆ ଭଳି ବିମାନ ଚାରିପଟେ ପଡିଥିବା ଦେଖିବାକୁ ମିଳେ। ତେବେ ବ୍ୟାଂକକ୍୍ଠାରୁ ଆମେରିକାରେ ଏକ ବଡ଼ ବିମାନ କବରସ୍ଥଳ ଅଛି। ଆରିଜୋନାର ଟସ୍କନରେ ଥିବା ଏହି କବରସ୍ଥଳରେ ପ୍ରାୟ ୪୦୦୦ ମିଲିଟାରୀ ଏୟାରକ୍ରାଫ୍ଟ ପଡି ରହିଛି। ଏହି ସ୍ଥାନକୁ ବୋନୟାର୍ଡ ବି କୁହାଯାଏ।
