ଆମ ଚାରିପାଖରେ ଏପରି ଅନେକ ଜିନିଷ ଅଛି, ଯାହାକୁ ଆମେ ଦେଖୁ କିନ୍ତୁ ଏହା ପଛର କାରଣ ଜାଣିବାକୁ କେବେ ବି ଚେଷ୍ଟା କରି ନ ଥାଉ। ଏହା କଦାପି ମନକୁ ଆସେ ନାହିଁ ଯେ, କାହିଁକି କିଛି ଦ୍ରବ୍ୟର ଆକାର ଏବଂ ପ୍ରକାରରେ କିଛି ସମାନତା ଥାଏ। କିନ୍ତୁ ଯେତେବେଳେ ଏହାର କାରଣ ଜଣାପଡ଼େ ସେତେବେଳେ ଆଶ୍ଚର୍ଯ୍ୟ ଲାଗେ। ଆପଣ କେବେ ଭାବିଛନ୍ତି କି ପ୍ଲାଷ୍ଟିକ ଷ୍ଟୁଲ୍ ମଝିରେ କାହିଁକି ରହିଥାଏ ଛିଦ୍ର। ଯଦି ନା ତେବେ ଜାଣନ୍ତୁ ଏ ସମ୍ପର୍କରେ…
ଏହା ପଛରେ ଏକ ବିଶେଷ କାରଣ ରହିଛି, ଯାହା ଅତ୍ୟନ୍ତ ବ୍ୟବହାରିକ ଏବଂ ବିଜ୍ଞାନ ସହ ଜଡ଼ିତ। ଅଧିକାଂଶ ଲୋକ ଭାବନ୍ତି ଷ୍ଟୁଲ୍ରେ ତିଆରି ଛିଦ୍ରଟି ଷ୍ଟୁଲ୍ ଉଠାଇବା ପାଇଁ ରହିଥାଏ। କିନ୍ତୁ ବାସ୍ତବରେ ଏହାର କାରଣ ଅନ୍ୟ କିଛି ରହିଛି। କମ୍ ସ୍ଥାନ ଯୋଗୁ ପ୍ଲାଷ୍ଟିକ ଷ୍ଟୁଲଗୁଡ଼ିକ ଘରେ ବ୍ୟବହୃତ ହୁଏ। ଷ୍ଟୁଲ୍ ଅଧିକ ସ୍ଥାନ ନିଏ ନାହିଁ ଏବଂ ତେଣୁ ଘରେ ଅଧିକ ଷ୍ଟୁଲ୍ ରଖିବାରେ ଅସୁବିଧା ନ ଥାଏ। ଛିଦ୍ର ଥିବାରୁ ଏହାକୁ ଅପସାରଣ କରିବା ସହଜ ହୋଇଥାଏ।
ଏହି ଛିଦ୍ର କେବଳ ଷ୍ଟୁଲ ଉଠାଇବା ପାଇଁ ଉପଯୋଗୀ ନୁହେଁ, ଏହା ସୁରକ୍ଷା ପାଇଁ ମଧ୍ୟ ଆବଶ୍ୟକ। ଏଥିରୁ ଏହା ସ୍ପଷ୍ଟ ଯେ, ବୈଜ୍ଞାନିକ ଦୃଷ୍ଟିକୋଣରୁ ମଧ୍ୟ ପ୍ଲାଷ୍ଟିକ୍ ଷ୍ଟୁଲ୍ରେ ତିଆରି ଛିଦ୍ରଗୁଡ଼ିକ ଅତ୍ୟନ୍ତ ସଠିକ୍ ଏବଂ ଗୁରୁତ୍ୱପୂର୍ଣ୍ଣ। ଏହା ବ୍ୟତୀତ ଷ୍ଟୁଲ୍ରେ ଛିଦ୍ର ହେବାର ଆଉ କିଛି କାରଣ ରହିଛି। ସେଥିମଧ୍ୟରୁ ଗୋଟିଏ ହେଉଛି, ଯେତେବେଳେ ବି ଭାରୀ ବ୍ୟକ୍ତି ଏହି ପ୍ଲାଷ୍ଟିକ ଷ୍ଟୁଲରେ ବସିଥା’ନ୍ତି, ତାଙ୍କ ଚାପ ହେତୁ ଷ୍ଟୁଲ୍ ଫାଟିଯିବାର ସମ୍ଭାବନା ରହିଥାଏ। ଏପରି ପରିସ୍ଥିତିରେ ଏହି ଛିଦ୍ରଗୁଡ଼ିକ ନମନୀୟତା ବଜାୟ ରଖନ୍ତି ଏବଂ ଷ୍ଟୁଲ୍ ଭାଙ୍ଗିବା ଠାରୁ ରକ୍ଷା ପାଇଥାଏ।