ପୁଣି ଥରେ ଡରାଇଲାଣି କରୋନା। ଦେଶରେ ୬୧୪ କରୋନା ମାମଲା ରେକର୍ଡ ହୋଇଥିବାବେଳେ ୨୪ଘଣ୍ଟାରେ ୩ଜଣଙ୍କର ମୃତ୍ୟୁ ଘଟିଛି। ତେବେ ଏହାକୁ ନେଇ ଏକ ମିମ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ଜଣେ ଡାକ୍ତର ମଜାଦାର ଅନ୍ଦାଜରେ କରୋନାର ନୂଆ ଭାରିଆଣ୍ଟର ମିମିକ୍ରି କରୁଥିବାର ନଜର ଆସିଛନ୍ତି। ଭାଇରାଲ ଭିଡିଓ ଦେଖି ଲୋକ ନ ହସି ରହି ପାରୁ ନାହାନ୍ତି। ଏଥିସହ ଭିଡିଓଟିକୁ ଖୁବ୍ ଶେୟାର ମଧ୍ୟ କରାଯାଉଛି।
ଭିଡିଓରେ ଡାକ୍ତରଜଣକ କରୋନାର ଭାଇରସର ମିମିକ୍ରି କରି କହୁଛନ୍ତି, କିଛିଦିନ ପାଇଁ ଏଠାରେ ଅଛି। ପରେ ସମସ୍ତଙ୍କ ସହ ଭେଟ ହୋଇ ଫେରିଯିବି। ଏଥିସହ ଭିଡିଓ ଆଳରେ ଲୋକଙ୍କୁ ସତର୍କ ରହି ଚଳିବାକୁ କହିଛନ୍ତି।