ରାଞ୍ଚି,୨୦।୬: ଡେଲିଭରୀ ପାଇଁ ହସ୍ପିଟାଲରେ ଭର୍ତ୍ତି ହୋଇଥିବା ଜଣେ ମହିଳାଙ୍କର ବନ୍ଧ୍ୟାକରଣ ଅପରେଶନ୍ କରି ଡାକ୍ତର ଏବେ ହରଡ଼ଘଣାରେ ପଡ଼ିଛନ୍ତି। ମହିଳା ତାଙ୍କ ପରିବାରର ଅନ୍ୟ ସଦସ୍ୟଙ୍କୁ ନ ପଚାରି କାହିଁକି ଡାକ୍ତର ଏଭଳି କରିଛନ୍ତି ସେ ନେଇ ଖୋଳତାଡ୍ ଆରମ୍ଭ ହୋଇଛି।
ରାଞ୍ଚିର କାଣ୍ଟା ଟୋଲି ଅଞ୍ଚଳରେ ବାସ କରୁଥିବା ପୁନମ୍ ଦେବୀ ହସ୍ପିଟାଲରେ ଭର୍ତ୍ତି ହୋଇଥିଲେ। ଡାକ୍ତର ତାଙ୍କର ବିନା ସ୍ବୀକୃତିରେ ବନ୍ଧ୍ୟାକରଣ ଅପରେଶନ କରିଥିବା ନେଇ ପୁନମ୍ ଅଭିଯୋଗ କରିବା ପରେ ସ୍ବାସ୍ଥ୍ୟ ବିଭାଗ ଏହାର ଯାଞ୍ଚ୍ ଆରମ୍ଭ କରିଛି।
ସଦର ହସ୍ପିଟାଲର ଅଧିକ୍ଷକ ଡ. ସବ୍ୟସାଚୀ ମଣ୍ଡଳ କହିଛନ୍ତି ଯେ, ବନ୍ଧ୍ୟାକରଣ ଅପରେଶନ୍ରେ ମହିଳାଙ୍କ ସହମତି ଆବଶ୍ୟକ ହୋଇଥାଏ। ପୁନମ୍ଙ୍କୁ ପଚରା ଯାଇ ଏଭଳି କରାଯାଇଥିବା ସେ କହିଛନ୍ତି।