ନୂଆଦିଲ୍ଲୀ,୩୦/୧୦: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌର ଏସଜିପିଜିଆଇ ହସ୍ପିଟାଲରେ ପୂର୍ବତନ ବିଜେପି ସାଂସଦଙ୍କ ପୁଅ ଚିକିତ୍ସାରେ ଅବହେଳା କାରଣରୁ ତାଙ୍କର ମୃତ୍ୟୁ ହୋଇଯାଇଥିବା ଅଭିଯୋଗ ହୋଇଛି। ଦାୟିତ୍ୱରେ ଥିବା ଡାକ୍ତରଙ୍କ ବିରୋଧରେ ଚିକିତ୍ସାରେ ଅବହେଳା ନେଇ ଗୁରୁତର ଅଭିଯୋଗ ଆଣିଛନ୍ତି ପୂର୍ବତନ ସଂସଦ।
ବିଜେପି ନେତା ତଥା ପୂର୍ବତନ ସାଂସଦ ଭୈରବ ପ୍ରସାଦ ମିଶ୍ରଙ୍କ ପୁଅ କିଡନୀ ରୋଗରେ ପୀଡିତ ଥିଲେ। ଭୈରବ ପ୍ରସାଦ ମିଶ୍ର ଅଭିଯୋଗ କରିଛନ୍ତି ଯେ ଜରୁରୀକାଳୀନ ୱାର୍ଡରେ ଖାଲି ଶଯ୍ୟା ନ ଥିବାରୁ ତାଙ୍କ ପୁଅକୁ ଆଡମିଶନ କରାଯାଇ ନାହିଁ କିମ୍ବା ଚିକିତ୍ସା କରାଯାଇ ନାହିଁ। ପରେ ପୁଅ ମୃତ୍ୟୁରେ ଭାଙ୍ଗି ପଡିଥିବା ଅସନ୍ତୁଷ୍ଟ ବାପା ସଂପୃକ୍ତ ଡାକ୍ତରଙ୍କ ନିଲମ୍ବନ ଏବଂ ଅଧିକ କାର୍ୟ୍ୟାନୁଷ୍ଠାନ ଦାବି କରି ପୁଅର ଶରୀର ସହିତ ୱାର୍ଡରେ ଷ୍ଟ୍ରାଇକରେ ବସିଥିଲେ। ଏହି ମାମଲା ବଢୁଥିବା ଦେଖି ଡାକ୍ତରଖାନା ପ୍ରଶାସନ ସମ୍ପୃକ୍ତ ଡାକ୍ତରଙ୍କୁ ନିଲମ୍ବନ କରିଛି। ଘଟଣାର ତଦନ୍ତ କରାଯିବ ବୋଲି କୁହାଯାଇଛି।
ମିଳିଥିବା ସୂଚନା ଅନୁଯାୟୀ ପୂର୍ବତନ ସାଂସଦ ଭୈରବ ପ୍ରସାଦ ମିଶ୍ରଙ୍କ ପୁଅ ୪୧ ବର୍ଷୀୟ ପ୍ରକାଶ ମିଶ୍ର କିଡନୀ ରୋଗରେ ପୀଡିତ ଥିଲେ। ରବିବାର ରାତି ପ୍ରାୟ ୧୧ ଟା ବେଳେ ତାଙ୍କୁ ଏସଜିପିଜିଆଇର ଜରୁରୀକାଳୀନ ୱାର୍ଡକୁ ଅଣାଯାଇଥିଲା ଜ୍ଝ ବୃନ୍ଦାର ପୂର୍ବତନ ସାଂସଦ ମିଶ୍ର ଦାବି କରିଛନ୍ତି ଯେ ଜରୁରୀକାଳୀନ ୱାର୍ଡରେ କୌଣସି ଶଯ୍ୟା ଉପଲବ୍ଧ ନାହିଁ। ଜରୁରୀକାଳୀନ ଡାକ୍ତର କିଛି ସାହାଯ୍ୟ କରିନଥିଲେ। ଚିକିତ୍ସା ଅଭାବରୁ କିଛି ସମୟ ପରେ ତାଙ୍କ ପୁଅର ମୃତ୍ୟୁ ହୋଇଥିବା ପୂର୍ବତନ ସାଂସଦ ଦାବି କରିଛନ୍ତି।