ଛତ୍ରପୁର,୨୪।୪(ଡି.ଏନ.ଏ.): ଗଞ୍ଜାମ ଜିଲା ଛତ୍ରପୁର ଗିଲଟିପେଟା ସାହିର ଆର୍ନ୍ତଜାତୀୟ ପାରା ଆଥଲେଟ ଭି.ରମେଶ ରାଓଙ୍କୁ ଜର୍ମାନୀର ପିସ ବିଶ୍ୱବିଦ୍ୟାଳୟ ପକ୍ଷରୁ ଡକ୍ଟରେଟ ଡିଗ୍ରୀ ପ୍ରଦାନ କରାଯାଇଛି । ତାମିଲନାଡୁ ଉଟିସ୍ଥିତ ଆଇପିୟୁ ଆଚିଭର୍ସ ଫୋରମ ଓ ଜର୍ମାନୀର ଗ୍ଲୋବାଲ ଆକରିଡିଏସନ କାଉନସିଲ ପକ୍ଷରୁ ଆୟୋଜିତ ସେମିନାରରେ ରମେଶଙ୍କୁ ଏହି ଡକ୍ଟରେଟ ଡିଗ୍ରୀ ମିଳିଛି। ରମେଶ ଭାରତ ଓ ଓଡିଶାରୁ ପ୍ରତିନିଧିତ୍ୱ କରି ବହୁବାର ୱିଲ୍ଚେୟାର ଫେନ୍ସିଂରେ ସ୍ବର୍ଣ୍ଣ ପଦକ ଜିତିବା ସହ ସୁନାମ ଆଣିଛନ୍ତି । ତାଙ୍କର ଏହି ସଫଳତା ପାଇଁ ଏହି ଡକ୍ଟରେଟ ଡିଗ୍ରୀ ପ୍ରଦାନ କରାଯାଇଛି।