ହାଇଦ୍ରାବାଦ,୧୧।୧: ହାଇଦ୍ରାବାଦଠାରେ ଥିବା ଘରୋଇ ଡାକ୍ତରଖାନାରେ ଏକ ବିଶେଷଜ୍ଞ ଦଳ ମଞ୍ଜୁଳା ନାମକ ଜଣେ ୩୯ ବର୍ଷୀୟା ମହିଳାଙ୍କୁ ନୂଆ ଜୀବନ ଦେଇଛନ୍ତି। ଯିଏ କି ବର୍ଷେରୁ ଅଧିକ ହେବ ଟଏ୍ଲେଟ କ୍ଲିନର୍ ଖାଇ ଦେଇଥିଲେ। ଫଳରେ ତାଙ୍କ ପାକସ୍ଥଳୀ ନଷ୍ଟ ହୋଇଯାଇଥିଲା।
ମଞ୍ଜୁଳା ଚିକିତ୍ସା ପାଇଁ ଅନେକ ଡାକ୍ତରଖାନା ଯାଇଥିଲେ ମଧ୍ୟ କୌଣସି ସୁଫଳ ମିଳି ନ ଥିଲା। ଶେଷରେ ସେ ଆଓ୍ବାର ଗ୍ଲୋବାଲ ହସ୍ପିଟାଲକୁ ଯାଇଥିଲେ, ଯେଉଁଠାରେ ପରାମର୍ଶଦାତା ଗ୍ୟାଷ୍ଟ୍ରୋ-ସର୍ଜନ ଡାକ୍ତର ଭୂପତି ରାଜେନ୍ଦ୍ର ପ୍ରସାଦଙ୍କ ନେତୃତ୍ୱରେ ଏକ ଟିମ୍ ତାଙ୍କୁ ୬ ମାସରୁ ଅଧିକ ସମୟ ଚିକିତ୍ସା କରିଥିଲେ। ଯାହା ଦ୍ୱାରା ତାଙ୍କ ଅବସ୍ଥା ସର୍ଜିକାଲ ପଦ୍ଧତିରେ ହିଁ ଠିକ୍ ହେବ ବୋଲି ଡାକ୍ତରମାନେ ନିଷ୍ପତ୍ତି ନେଇଥିଲେ। ତେଣୁ ମଞ୍ଜୁଳାଙ୍କୁ ପେଟର ଅଂଶ ତଳେ ଏକ ବାହ୍ୟ ପାଇପ ମାଧ୍ୟମରେ ତାଙ୍କ ହଜମ ପ୍ରକ୍ରିୟା ସହିତ ସଂଯୁକ୍ତ ଆଭ୍ୟନ୍ତରୀଣ ଅଙ୍ଗକୁ ଖାଇବାକୁ ଦିଆଯାଉଥିଲା।
ଦିନକୁ ଦିନ ତାଙ୍କ ପାକସ୍ଥଳୀ ଦୁର୍ବଳ ହୋଇଗଲା। ଡାକ୍ତରମାନେ ମଞ୍ଜୁଳାଙ୍କୁ ବଞ୍ଚାଇବା ପାଇଁ ତାଙ୍କ ପାକସ୍ଥଳୀ କାଟି ଦେଲେ। ଡାକ୍ତର ରାଜେନ୍ଦ୍ର ପ୍ରସାଦ କହିଛନ୍ତି, ବର୍ତ୍ତମାନ ମଞ୍ଜୁଳା ସମ୍ପୂର୍ଣ୍ଣ ସୁସ୍ଥ ହୋଇଯାଇଛନ୍ତି। ଏବେ ସେ ସାଧାରଣ ଖାଦ୍ୟ ଖାଇବାରେ ସକ୍ଷମ ହୋଇଛନ୍ତି।
ଆନାସ୍ଥେସିଓଲୋଜିଷ୍ଟ ଡକ୍ଟର ମୋହନଙ୍କ ସହାୟତାରେ ଏହି ପ୍ରକ୍ରିୟା ସମ୍ପୂର୍ଣ୍ଣ ସଫଳ ହୋଇଥିଲା।