ଚାଇନାରେ ଏକ ଅଜବ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତିଙ୍କ ପେଟରୁ ଡାକ୍ତରମାନେ ବିୟର ବୋତଲ ବାହାର କରିଛନ୍ତି। ବ୍ୟକ୍ତିଙ୍କ ପେଟରୁ ଗ୍ଲାସ ବାହାର କାରିବାକୁ ଡାକ୍ତରମାନଙ୍କୁ ଅସ୍ତ୍ରୋପଚାର କରିବାକୁ ପଡିଥିଲା। ଜିଗିଆଙ୍ଗ ସ୍ଥିତ ଦକ୍ଷିଣ-ପଶ୍ଚିମ ମେଡିକାଲ କଲେଜରେ ଏହି ଘଟଣା ଘଟିଛି। ହୁଆଙ୍ଗ ନାମକ ଜଣେ ବ୍ୟକ୍ତି ପେଟ ଯନ୍ତ୍ରଣା ହେବାରୁ ଡାକ୍ତରଖାନାରେ ପହଞ୍ଚିଥିଲେ। ଏହା ପରେ ପ୍ରଫେସର ଲି ୱୁସେଙ୍ଗ ଏବଂ ତାଙ୍କ ଟିମ ଏକ୍ସ-ରେ ପରେ ୬ ସେମିର ଗ୍ଲାସ ଦେଖିବାକୁ ପାଇଥିଲେ। ପ୍ରାୟ ୫.୬ ସେମି ବ୍ୟାସ ବିଶିଷ୍ଟ ବିୟର୍ ଗ୍ଲାସଟି ବ୍ୟକ୍ତିଙ୍କ ମଳଦ୍ୱାରରେ ଥିବା ଦେଖାଯାଇଥିଲା। ଏହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଏହା ପରେ ଅସ୍ତ୍ରୋପଚାର କରାଯାଇଥିଲା। ଡାକ୍ତରଙ୍କ ଟିମ ସଫଳତାର ସହ ଅସ୍ତ୍ରୋପଚାର କରିଥିଲେ। ତେବେ ବିୟର ଗ୍ଲାସଟି କିପରି ବ୍ୟକ୍ତିଙ୍କ ମଳଦ୍ୱାରରେ ପହଞ୍ଚିଲା ତାହା ରିପୋର୍ଟରେ ଦର୍ଶାଯାଇନାହିଁ। ବର୍ତ୍ତମାନ ସେ ଡାକ୍ତରଙ୍କ ତତ୍ତ୍ୱାବଧାନରେ ଅଛନ୍ତି। ଏବେ ତାଙ୍କୁ ଆଉ କିଛି ଦିନ ହସ୍ପିଟାଲରେ ରହିବାକୁ ପଡିପାରେ। ସୂଚନାଯୋଗ୍ୟ, କିଛିଦିନ ପୂର୍ବରୁ ଚାଇନାରେ ଏକ ସମାନ ମାମଲା ସାମ୍ନାକୁ ଆସିଥିଲ। ଏକ ହସ୍ପିଟାଲର ଡାକ୍ତରମାନେ ୬୦ ବର୍ଷ ବୟସ୍କା ବ୍ୟକ୍ତିଙ୍କ ରେକ୍ଟମ୍ରୁ ୭ ଇଞ୍ଚ ଉଚ୍ଚତା ବିଶିଷ୍ଟ ଗ୍ଲାସ ବାହାର କରିଥିଲେ।