ମୁମ୍ବାଇ: ଫିଲ୍ମ ପ୍ରଡ୍ୟୁସର ଗୁନିତ ମୋଙ୍ଗାଙ୍କ ମୁଭି ଦ ଏଲିଫ୍ୟାଣ୍ଟ ହ୍ୱିସସ୍ପର୍ଶକୁ ଏକାଡେମୀ ଆୱାର୍ଡସ ୨୦୨୩ରେ ଏକ ବଡ ସଫଳତା ମିଳିଛି । ଫିଲ୍ମକୁ ବେଷ୍ଟ ଡକ୍ୟୁମେଣ୍ଟାରୀ ସର୍ଟ ଫିଲ୍ମ କାଟାଗୋରୀ ପାଇଁ ଓସ୍କାର ମିଳିସାରିଛି । ଏବେ ସବୁଠି ଗୁନିତ ମୋଙ୍ଗାଙ୍କ ମୁଭିକୁ ନେଇ ଚର୍ଚ୍ଚା ହେଉଛି । ଏହାରି ଭିତରେ ତାଙ୍କର ଆଉ ଏକ ନୂଆ ଡକ୍ୟୁମେଣ୍ଟାରି ଫିଲ୍ମର ଘୋଷଣା କରାଯାଇଛି ଏହି ଡକ୍ୟୁମେଣ୍ଟାରୀ ବହୁ ପରିଚିତ ସିଙ୍ଗର ଓ ର୍ୟାପର ହନି ସିଂଙ୍କ ଉପରେ ନିର୍ମାଣ କରାଯିବ ।
ଏହି ଡକ୍ୟୁମେଣ୍ଟାରୀ ମୁଭି ଆଗାମୀ ଦିନରେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ପ୍ରସାରଣ କରାଯିବ । ବୁଧବାର ନେଟଫ୍ଲିକ୍ସ ୟୁଟ୍ୟୁବରେ ଏକ ଆନାଉନ୍ସମେଣ୍ଟ ଭିଡିଓ ଶେୟାର କରି ଏହାର ଘୋଷଣା କରଛି । ସୂଚନାଯୋଗ୍ୟ, ଏବେ ହନି ସିଂ ଏଣ୍ଟଟେନମେଣ୍ଟ ଦୁନିଆର ଏକ ବଡ ନାମ । ଏପର୍ଯ୍ୟନ୍ତ ପହଞ୍ଚିବାକୁ ସେ ବହୁ ଉତ୍ଥାନ ପତନ ଦେଇ ଗତି କରିଛନ୍ତି । ଡକ୍ୟୁମେଣ୍ଟାରୀରେ ଏସବୁ ଷ୍ଟୋରୀ ଦେଖାଯିବ ।
ପ୍ରଫେସନାଲ ଲାଇଫର ସଂଘର୍ଷ ସହ ଫିଲ୍ମରେ ପର୍ସନାଲ ଲାଇଫ, ବନ୍ଧୁ ପରିବାର ସବୁର ଝଲକ ଦେଖିବାକୁ ମିଳିବ । ନେଟଫ୍ଲିକ୍ସ ଯେଉଁ ଆନାଉନ୍ସମେଣ୍ଟ ଭିଡିଓ ଶେୟାର କରିଛି ସେଥିରେ ହନି ସିଂଙ୍କୁ ଦେଖିବାକୁ ମିଳିଛି । ଆଉ ସେ ମଧ୍ୟ ଭିନ୍ନ ଢଙ୍ଗରେ ତାଙ୍କ ଉପରେ ନିର୍ମାଣ କରାଯାଉଥିବା ଡକ୍ୟୁମେଣ୍ଟାରୀର ଘୋଷଣା କରିଛନ୍ତି ।
ସାମ୍ନକୁ ଆସିଥିବା ଭିଡିଓରେ ଦେଖାଯାଇଛି ଆରମ୍ଭ ହନି ସିଂଙ୍କ ଏକ କନସର୍ଟରୁ ହେଉଛି । ଏଥିରେ ହନି ସିଂ ଷ୍ଟେଜରେ ପରଫର୍ମ କରୁଥିବା ଦେଖାଯାଇଛି । ଏପଟେ ଷ୍ଟେଜ ତଳେ ବହୁ ସଂଖ୍ୟାରେ ଦର୍ଶକ ଉପସ୍ଥିତ ଅଛନ୍ତି । ଏଥିରେ ହନି ସିଂ କହୁଛନ୍ତି, ମୋ ଉପରେ ନିର୍ମାଣ କରାଯାଇଥିବା ଡକ୍ୟୁମେଣ୍ଟାରୀରେ ଯେଉଁ ଗଭିରତା ରହିଛି ଯାହା ମୋତେ ଆଜି ମନେପକାଇ ଦେଇଛି, ଏମତି କଥା ମୁଁ କହିଥିଲି ।