ଲୋକମାନେ ବିଭିନ୍ନ ପ୍ରକାରର କାମ କରି ଟଙ୍କା ରୋଜଗାର କରନ୍ତି। ତଥାପି କିଛି ଲୋକଙ୍କ କାର୍ଯ୍ୟ ଏପରି ହୋଇଥାଏ ଯାହା ଶୁଣି ଅନ୍ୟମାନେ ଆଶ୍ଚର୍ଯ୍ୟ ହୋଇଯାଆନ୍ତି। ଏମିତି ଜଣେ ବ୍ୟକ୍ତି ଯିଏ କେବଳ କୁକୁରକୁ ଏଣେତେଣେ ବୁଲାଇ କୋଟିପତି ହୋଇପାରିଛନ୍ତି। ମାଇକେଲ ଜୋସେଫ ନାମକ ଏହି ବ୍ୟକ୍ତି ଶିକ୍ଷକ ଭାବରେ ବର୍ଷକୁ ୩୦ ଲକ୍ଷ ଟଙ୍କା ରୋଜଗାର କରୁଥିଲେ, କିନ୍ତୁ କୁକୁରକୁ ବୁଲାଇ ଏକ ବ୍ୟବସାୟରେ ପରିଣତ କରିଥିଲେ। ଫଳରେ ସେ ଗୋଟିଏ ବର୍ଷ ଭିତରେ କୋଟିପତି ହୋଇଗଲେ। ମାଇକେଲ ଆମେରିକାର ବ୍ରୁକଲିନରେ ରୁହନ୍ତି। ସେ ଶିକ୍ଷକ ଭାବରେ କାର୍ଯ୍ୟ କରିବା ସହ ପାର୍ଟ ଟାଇମ କୁକୁର ଓ୍ବାକର ଭାବରେ କାମ ଆରମ୍ଭ କଲେ। ଏହି କାମ କରି ସେ ୧ କୋଟି ରୋଜଗାର କରିଥିଲେ। ପରେ ସେ ନିଜର ପୁରୁଣା ବୃତ୍ତି ଛାଡ଼ି କୁକୁରକୁ ପୂରା ସମୟ ବୁଲାଇବା ବ୍ୟବସାୟରେ ସମୟ ଦେଇଥିଲେ। ଏହି ବ୍ୟବସାୟରୁ ସେ ନ୍ୟୁ ଜର୍ସିରେ ନିଜ ପାଇଁ ଏକ ଘର ଓ କାର୍ କଣିଥିଲେ। କେବଳ ଏତିକି ନୁହେଁ, ସେ ନିଜ ପରିବାରକୁ ଡିଜ୍ନି ଓ୍ବାଲର୍ଡକୁ ମଧ୍ୟ ନେଇଥିଲେ। ସେ ତାଙ୍କର ୧୮ ମାସର କୁକୁର ଛୁଆ ପାଇଁ ୮ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି। ସେ ତାଙ୍କ କୁକୁର ବ୍ୟବସାୟକୁ ନେଇ କୁହନ୍ତି, ଅଧ ଘଣ୍ଟା ବୁଲାଇବା ପାଇଁ ୧୫୦୦ ଟଙ୍କା ପାଉଥିଲେ। ବର୍ତ୍ତମାନ ସେ ଏହି ଆପ୍ ଲଞ୍ଚ କରିଛନ୍ତି ଏବଂ ଅନେକ କର୍ମଚାରୀଙ୍କୁ ମଧ୍ୟ ନିଯୁକ୍ତି ଦେଇଛନ୍ତି। ସେମାନଙ୍କ ଦର ଅନୁଯାୟୀ କୁକୁରକୁ ୧ ଘଣ୍ଟା ଚଲାଇବା ପାଇଁ ଦେୟ ୨୦୦-୨୫୦୦ଟଙ୍କା ପର୍ଯ୍ୟନ୍ତ ରହିଛି। ତାଲିମ ଦେବାକୁ ହେଲେ ୫୦୦୦ ଟଙ୍କା ଦେବାକୁ ପଡ଼ିବ ଏବଂ କୁକୁରକୁ ଗୋଟିଏ ରାତି ରଖିବାକୁ ହେଲେ ୫୨୦୦ ଟଙ୍କା ପୈଠ କରିବାକୁ ହୋଇଥାଏ।
