ନୂଆଦିଲ୍ଲୀ,୩୧।୧୨ : ନିକଟରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ଏକ କୁକୁର ଟ୍ରେନ ଯାତ୍ରୀଙ୍କ ସୁରକ୍ଷାକୁ ବୁଝିବା ଯୋଗୁ କୁକୁର ହିରୋ ପାଲଟି ପାରିଛି। ଭିଡିଓରେ କୁକୁରଟି ଚଳନ୍ତା ଟ୍ରେନ ସହିତ ଦୌଡୁଥିବା ଦେଖାଯାଉଛି ଏବଂ ଗେଟର ଫୁଟବୋର୍ଡରେ ଠିଆ ହୋଇଥିବା କିମ୍ବା ବସିଥିବା ଯାତ୍ରୀମାନଙ୍କୁ ଭିତରକୁ ଯିବାକୁ ଭୁକି ଭୁକି ପଠାଇ ଦେଉଛି।
ଏହି ଭିଡିଓକୁ ଭାରତୀୟ ରେଳବାଇର ଅଧିକାରୀ ଅନନ୍ତ ରୁପାଙ୍ଗୁଡି ଇନଷ୍ଟାଗ୍ରାମରେ ଶେୟାର କରିଛନ୍ତି ଏବଂ ଟ୍ରେନର ଫୁଟବୋର୍ଡରେ ବସି ଯାତ୍ରା କରିବା କେତେ ବିପଜ୍ଜନକ ତାହା ବୁଝି ପାରୁଛି। ଅନେକ ଲୋକ ଏହି ଉପାୟରେ ଟ୍ରେନରେ ଯାତ୍ରା କରୁଛନ୍ତି, ଯେଉଁ କାରଣରୁ ସେମାନେ ପ୍ରାୟତଃ ଦୁର୍ଘଟଣାର ଶିକାର ହୋଇଥାନ୍ତି।
ଭିଡିଓର କ୍ୟାପଶନରେ ଅନନ୍ତ ରୁପାଙ୍ଗୁଡି ଲେଖିଛନ୍ତି ଫୁଟବୋର୍ଡରେ ଯାତ୍ରା ବିରୋଧରେ ହେଉଥିବା ଅଭିଯାନରେ ଏହା କୁକୁରର ସର୍ବୋତ୍ତମ ସହଯୋଗ। ଏହି କୁକୁରର ଆଚରଣ ଇଣ୍ଟରନେଟ ବ୍ୟବହାରକାରୀଙ୍କ ମଧ୍ୟରେ ଅନେକ ଆଗ୍ରହ ସୃଷ୍ଟି କରିଛି। ଏହା ସହିତ ୟୁଜରମାନେ ରେଳବାଇରେ ଏହି କୁକୁରକୁ ସୁରକ୍ଷା ଚାକିରି ଦେବାର ଦାବି ମଧ୍ୟ କରିଛନ୍ତି।
ବର୍ତ୍ତମାନ ପର୍ଯ୍ୟନ୍ତ ୧.୪୮ ଲକ୍ଷରୁ ଅଧିକ ଲୋକ ଏହି ଭିଡିଓ ଦେଖିଛନ୍ତି ଏବଂ ଏହି ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । ଏହା ଉପରେ ଜଣେ ୟୁଜର ଲେଖିଛନ୍ତି ଏହି କୁକୁରକୁ ରେଳବାଇରେ ଏକ ଚାକିରିରେ ନିଯୁକ୍ତ କରାଯିବା ଉଚିତ। ସେହି ସମୟରେ, ଅନ୍ୟ ଜଣେ ୟୁଜର ଲେଖିଛନ୍ତି ଦୟାକରି ଦରମା ବିଷୟରେ ଆଲୋଚନା କରନ୍ତୁ। ଏହି କୁକୁର ରେଳଓ୍ବେକୁ ନିରାଶ କରିବ ନାହିଁ। ଜଣେ ଉପଭୋକ୍ତା ଲେଖିଛନ୍ତି କୁକୁରକୁ ପୁରସ୍କାର ପ୍ରଦାନ କରାଯିବା ଉଚିତ।