କୁକୁର ଏବଂ ମଣିଷ ମଧ୍ୟରେ ସମ୍ପର୍କ ଅତ୍ୟନ୍ତ ସ୍ବତନ୍ତ୍ର। କୁକୁରମାନେ ଯେତେ ବଡ଼ ହେଲେ ମଧ୍ୟ ସେମାନେ ନିଜ ମାଲିକଙ୍କ ସାମ୍ନାରେ ସବୁବେଳେ ଛୋଟ ପିଲାଙ୍କ ପରି ବ୍ୟବହାର ଦେଖାଇଥାନ୍ତି। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଥିରେ କୁକୁରଟି ମଣିଷ ଛୁଆ ପରି କ୍ଷୀର ବୋତଲ ଧରି କ୍ଷୀର ପିଉଛି।
ପଶୁପକ୍ଷୀଙ୍କ ସମ୍ବନ୍ଧୀୟ କୌତୂହଳପୂର୍ଣ୍ଣ ଭିଡିଓଗୁଡ଼ିକ ସୋସିଆଲ ମିଡିଆରେ ଶେୟାର ହୋଇଥାଏ। ଏବେ ସେମିତି ଏକ ଭିଡିଓ ଶେୟାର କରାଯାଇଛି। ଯେଉଁଥିରେ କୁକୁର ଏକ ବୋତଲରୁ କ୍ଷୀର ପିଉଥିବାର ନଜର ଆସିଛି।
Little baby.. 😊 pic.twitter.com/q1y0NkRSIc
— Buitengebieden (@buitengebieden) September 10, 2022
ଭିଡିଓରେ କୁକୁରଟି ଚିତ୍ ହୋଇ ଶୋଇଛି ଏବଂ ଚାରି ଗୋଡ଼ରେ ପ୍ଲାଷ୍ଟିକ କ୍ଷୀର ବୋତଲ ଧରିଛି। ଠିକ୍ ମଣିଷ ଛୁଆ ପରି କ୍ଷୀର ପିଉଛି। ଯାହା ଦେଖିବା ପରେ ହୃଦୟକୁ ଛୁଇଁଯିବ। କ୍ଷୀର ପିଇବା ସମୟରେ ତା’ର ସୁନ୍ଦର ଚେହେରା ଏବଂ ବୋତଲ ଧରିବା ଷ୍ଟାଇଲ୍ ଖୁବ୍ ସୁନ୍ଦର।
ଭିଡିଓଟି ୧୫ଲକ୍ଷରୁ ଅଧିକ ଭ୍ୟୁ ପାଇଥିବାବେଳେ ଅନେକ ଲୋକ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ମା’ କ୍ଷୀରରୁ ବଞ୍ଚିତ ଥିବାରୁ ପପୁ ବୋତଲ ଧରାଇ ଦିଆଯାଇଛି। ସେହିପରି ଅନ୍ୟ ୟୁଜରମାନେ ବେଶ୍ ମଜାଳିଆ କମେଣ୍ଟ ସବୁ ଦେଇଛନ୍ତି।
