ପଶୁମାନେ ଦୁନିଆରେ ଅଜବ ଅଟନ୍ତି। କେତେବେଳେ କ’ଣ କେମିତି କରନ୍ତି ତାହା ଜଣାପଡ଼େ ନାହିଁ। ଏବେ ଏକ କୁକରର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ କୁକୁରଟି ତା’ର ମାଲିକଙ୍କ ସହ ଯୋଗ କରୁଥିବାର ନଜର ଆସିଛି।
@buitengebieden ନାମକ ଏକ ଟୁଇଟର ଆକାଉଣ୍ଟରେ ଭିଡିଓଟି ଶେୟାର କରାଯାଇଛି। ଯେଉଁଥିରେ କୁକୁରଟି ଖୁବ୍ ସୁନ୍ଦର ଭାବରେ ଯୋଗ କରୁଛି। ମାଲିକ ଜଣକ ଯେମିତି ଭାବରେ ଯୋଗ କରୁଛନ୍ତି କୁକୁରଟି ତାହା ଲକ୍ଷ୍ୟ କରି ଅବିକଳ ସେମିତି କରୁଛି। କୁକୁରଟି ଶବାଶନ କରୁଥିବା ନଜର ଆସିଛି।
ଏହି ଭିଡିଓକୁ ୨୫ ଲକ୍ଷରୁ ଅଧିକ ଲୋକ ଦେଖିସାରିଲେଣି। ୯୦ ହଜାରରୁ ଅଧିକ ୟୁଜର ଭିଡିଓକୁ ଲାଇକ୍ କରିଛନ୍ତି। ଅନେକ ୟୁଜର କମେଣ୍ଟ ବି ଦେଇଛନ୍ତି। ଜଣେ ୟୁଜର ଲେଖିଛନ୍ତି, କୁକୁରର ପୋଜ୍ ଖୁବ୍ ସୁନ୍ଦର। ଆଉ ଜଣେ ୟୁଜର କହିଛନ୍ତି, କୁକୁର ଯୋଗ ନୁହେଁ, ଶୟନ କରୁଛି ବୋଧେ।