ନୂଆଦିଲ୍ଲୀ: ସୋସିଆଲ ମିଡିଆରେ ଅନେକ ମଜାଳିଆ ଭିଡିଓ ଶେୟାର କରାଯାଇଥାଏ ଯାହାକୁ ଦେଖିଲେ ଲୋକେ ହସ ରୋକି ପାରିବ ନାହିଁ। ଏହି କ୍ରମରେ କୁକୁରଙ୍କ ବିବାହର ଏକ ଭିଡିଓ ଭାଇରାଲ ହେଉଛି। ଭିଡିଓରେ କୁକୁରମାନଙ୍କୁ ସମ୍ପୂର୍ଣ୍ଣ ଭାବେ ମଣିଷମାନଙ୍କ ଭଳି ସଜ କରାଯାଇଥିବା ଦେଖିବାକୁ ମିଳୁଛି। ମାଇ କୁକୁର ପୁରା ବଧୂ ଭାବେ କାନରେ ଝୁମୁକା,ମୁଣ୍ଡରେ ଟିକିଲି, ମୁଣ୍ଡରେ ଓଢ଼ଣୀ ପକାଇଥିବା ନଜର ଆସୁଛି। ସେହିଭଳି ପୁରୁଷ କୁକୁରଟି ମୁଣ୍ଡରେ ପଗଡ଼ି ଭିଡିଛି। ଉଭୟଙ୍କ ଭାବଭଙ୍ଗୀ ବରକନ୍ୟାଙ୍କ ଭଳି ଦେଖାଯାଉଛି। ସେମାନେ ବରଣମାଳା ମଧ୍ୟ ପକାଇଛନ୍ତି। ଏହି ନିଆରା ବିବାହ ଲୋକଙ୍କୁ ଚକିତ କରୁଥିବା ବେଳେ କିଛି ଲୋକ ହସି ହସି ଗଡ଼ୁଛନ୍ତି। ଭିଡିଓଟିର ବ୍ୟାକ୍ଗ୍ରାଉଣ୍ଡରେ ‘ଧଡକନ୍’ ଫିଲ୍ମର ଗୀତ ବାଜୁଥିବାରୁ ଲୋକେ ଏହାକୁ ଅଧିକ ପସନ୍ଦ କରୁଛନ୍ତି।