ନୂଆଦିଲ୍ଲୀ,୨୨।୭: ଏବେ ସୋସିଆଲ୍ ମିଡ଼ିଆରେ ଏକ ଭିଡ଼ିଓ ଭାଇରାଲ ହେବାରେ ଲାଗିଛି। ଭିଡ଼ିଓରେ କୁକୁର ବାହାଘର କରାଯାଉଛି। ଗୋଟିଏ କୁକୁର କନିଆ ବେଶ ହୋଇ ବସିଥିବାବେଳେ ଅନ୍ୟଟି ବର ଭଳି ମୁଣ୍ଡରେ ମୁକୁଟ ପିନ୍ଧି ବସିଛି। ୨୪ ବାର୍ଡ ଆନିମଲ୍ ନାମକ ଏକ ଇନଷ୍ଟାଗ୍ରାମ୍ ଆକାଉଣ୍ଟ୍ରେ ଏହାକୁ ଅପଲୋଡ୍ କରାଯାଇଛି। ତେବେ ଭିଡ଼ିଓଟି କେଉଁ ଅଞ୍ଚଳର ଏବଂ ଏହା କେବେ ରେକର୍ଡିଂ କରାଯାଇଛି ତାହାର କୌଣସି ସୂଚନା ମିଳିନାହିଁ। ବିଭିନ୍ନ ୟୁଜର ଏହାକୁ ନେଇ ଭିନ୍ନ ଭିନ୍ନ କମେଣ୍ଟ୍ ଦେଇଛନ୍ତି। କିଛି ୟୁଜର କୁକୁର ଦୁହିଁଙ୍କୁ ହ୍ୟାପି ମ୍ୟାରେଡ୍ ଲାଇଫ୍ ଲେଖି ଅଭିନନ୍ଦନ ଜଣାଇଛନ୍ତି।