ମୁମ୍ବାଇ,୧୧।୧: ଏବେ ସୋସିଆଲ୍ ମିଡ଼ିଆରେ ଏକ ଭିଡ଼ିଓ ବେଶ୍ ଭାଇରାଲ ହେବାରେ ଲାଗିଛି। ଭିଡ଼ିଓରେ ମହାରାଷ୍ଟ୍ରର ସିଦ୍ଧଟେକ୍ ସ୍ଥିତ ସିଦ୍ଧି ବିନାୟକ ମନ୍ଦିର ପ୍ରସ୍ଥାନ ଦ୍ୱାରରେ ବସିଥିବା କୁକୁର ଶ୍ରଦ୍ଧାଳୁଙ୍କ ସହିତ କରମର୍ଦ୍ଧନ କରିବା ସହିତ ସେମାନଙ୍କୁ ଆଶୀର୍ବାଦ ମଧ୍ୟ ଦେଉଛି। ଭିଡ଼ିଓକୁ ଅରୁଣ ଲିମାଦିନ୍ ନାମକ ଜଣେ ୟୁଜର ନିଜ ଫେସବୁକ୍ ଆକାଉଣ୍ଟ୍ରେ ରବିବାର ଅପଲୋଡ୍ କରିଛନ୍ତି। ଅରୁଣ ୭ ସେକେଣ୍ଡ ଏବଂ ୧୫ ସେକେଣ୍ଡର ୨ଟି ଭିଡ଼ିଓ ଅପଲୋଡ୍ କରିଛନ୍ତି। ଏହାକୁ ନେଇ ବିଭିନ୍ନ ୟୁଜର ଭିନ୍ନ ଭିନ୍ନ ମତ ଦେଇଛନ୍ତି। ପ୍ରଥମ ଭିଡ଼ିଓରେ କୁକୁରଟି ପ୍ରଭୁ ଗଣେଶଙ୍କୁ ଦର୍ଶନ କରି ଫେରୁଥିବା ଶ୍ରଦ୍ଧାଳୁଙ୍କୁ ଆଶୀର୍ବାଦ ଦେଉଛି। ସେହିପରି ଦ୍ୱିତୀୟ ଭିଡ଼ିଓରେ ଶ୍ରଦ୍ଧାଳୁଙ୍କ ସହିତ କୁକୁର କରମର୍ଦ୍ଧନ କରୁଥିବାର ଦେଖିବାକୁ ମିଳୁଛି।