ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି। ଭିଡିଓରେ ଜଣେ ବ୍ୟକ୍ତି ମଝି ରାସ୍ତାରେ କାର୍ ଅଟକାଇ ଜଣେ ପକ୍ଷୀ ବ୍ୟବସାୟୀ ଠାରୁ ପକ୍ଷୀ କିଣୁଛନ୍ତି। ପରେ ଗୋଟେ ପରେ ଗୋଟେ ପକ୍ଷୀ ବ୍ୟବସାୟୀ ତାଙ୍କୁ ଦେଉଛନ୍ତି ଓ ସେ ପକ୍ଷୀକୁ ସେହି କ୍ରମରେ ଉଡ଼ାଇ ଚାଲୁଛନ୍ତି। ପକ୍ଷୀଙ୍କୁ ପଞ୍ଜୁରୀରୁ ମୁକ୍ତ କରିବା ପାଇଁ ବ୍ୟକ୍ତିଙ୍କ ଏହି ପ୍ରୟାସ ପ୍ରଂଶସା ଯୋଗ୍ୟ ହୋଇପାରିଛି। ଭିଡିଓକୁ କେହି ଦେଖିଲେ ବ୍ୟକ୍ତିଙ୍କୁ ପ୍ରଂଶସା ନ କରି ରହି ପାରିବେନି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଭାଇରାଲ ହେବାରେ ଲାଗିଛି।