କୋକସରା,୧୮।୪(ଡି.ଏନ.ଏ)-ସୋମବାର କଳାହାଣ୍ଡି ଜିଲାର ପ୍ରଶାସନିକ ଅଧିକାରୀଙ୍କ ମିଳିତ ଟିମ୍ କୋକସରା ବ୍ଲକର ପର୍ଯ୍ୟଟନ ସ୍ଥଳୀ ଗୁଡହାଣ୍ଡି ଡୋକରିଚଞ୍ଚରା ଓ ଆମପାଣି ବୁଢ଼ାରଜା ମନ୍ଦିର ପରିଦର୍ଶନ କରିଛନ୍ତି। କଳାହାଣ୍ଡି ଜିଲାପାଳ ପି. ଅନ୍ବେଷା ରେଡ୍ଡି, ଜିଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ପାୱାର ସଚିନ ପ୍ରକାଶ, ଦକ୍ଷିଣ ବନଖଣ୍ଡ ଡିଏଫ୍ଓ ଦୟାନନ୍ଦ ଗଜାନନ ଲାଡେ, ଉପଜିଲାପାଳ ଧର୍ମଗଡ଼ ବେଦ ଭୂଷଣ, ଧର୍ମଗଡ଼ ରେଞ୍ଜର ଭବାନୀ ଶଙ୍କର କୁଅର, କୋକସରା ବିଡ଼ିଓ ଉତ୍ତମ କୁମାର ବାଗ, ତହସିଲଦାର ଦେବବ୍ରତ କରାଟି, କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ ଓ ଅନ୍ୟ ଅଧିକାରୀ ଅପରାହ୍ନ ୩ଟାରେ ଗୁଡହାଣ୍ଡି ଡୋକରିଚଞ୍ଚରାରେ ପହଞ୍ଚିଥିଲେ। ବନବିଭାଗ ଦ୍ୱାରା ପର୍ଯ୍ୟଟନସ୍ଥଳରେ ଉନ୍ନୟନ କାର୍ଯ୍ୟ ଦେଖିବା ସହ ଗୁଡ଼ହାଣ୍ଡି ଡୋକରୀଚଞ୍ଚରା ଉନ୍ନୟନ ସମିତିର ସଭାପତି ଭଦ୍ରେଶ୍ୱର ପାତ୍ର, ଉପ ସଭାପତି ଘନଶ୍ୟାମ ନାଏକ, ସମ୍ପାଦକ ନିଲାମ୍ବର ନାଏକ, ସଦସ୍ୟ ଦୁଷ୍ମନ୍ତ କୁମାର ପାଟ୍ଟଯୋଷୀ, ରାଜେନ୍ଦ୍ର ନାଏକ, ଭୂବନାନନ୍ଦ ନାଏକ, ଯତୀନ୍ଦ୍ର ମାଝୀ, ଗିରିଧାରୀ ଧଙ୍ଗଡାମାଝୀ, ସହଦେବ ଦିଶାରୀଙ୍କ ସହ ପର୍ଯ୍ୟଟନସ୍ଥଳର ଭିତ୍ତିଭୂମିର ବିକାଶ ଉପରେ ସମୀକ୍ଷା କରିବା ପରେ ଜିଲାର ଶେଷ ସୀମାରେ ଥିବା ଆମପାଣି ବୁଢ଼ାରଜା ମନ୍ଦିର ମଧ୍ୟ ପରିଦର୍ଶନ କରିଛନ୍ତି। ପ୍ରଶାସନିକ ଅଧିକାରୀଙ୍କ ଗସ୍ତ ସମ୍ଭବତଃ ଦୁଇଟି ସ୍ଥାନର ଉନ୍ନୟନ କାର୍ଯ୍ୟ ତ୍ୱରାନ୍ବିତ କରିବା ଉପରେ କେନ୍ଦ୍ରିତ ରହିଛି।