ବଲାଙ୍ଗୀର ଅଫିସ, ୮।୩: ବଲାଙ୍ଗୀର ପୌରାଞ୍ଚଳ ଯାଦବ ସମାଜ ପକ୍ଷରୁ ୨୭ତମ ଦୋଳ ମହୋତ୍ସବ ଅନୁଷ୍ଠିତ ହୋଇଛି। ମହୋତ୍ସବ ପାଳନ ଅବସରରେ ସ୍ଥାନୀୟ ଯାଦବ ଭବନଠାରୁ ଏକ ଶୋଭାଯାତ୍ରା ବାହାରି ଥିଲା। ରାଧାକୃଷ୍ଣଙ୍କ ଯୁଗଳ ପ୍ରତିମୂର୍ତ୍ତିକୁ ସ୍ବତନ୍ତ୍ର ବିମାନରେ ସହର ପରିକ୍ରମା କରାଯାଇଥିଲା। ଏହି ସ୍ବତନ୍ତ୍ର ବିମାନକୁ କେବଳ ମହିଳାମାନେ ଧରିଥିଲେ।
ଶୋଭାଯାତ୍ରାରେ ଶତାଧିକ ମହିଳା ଓ ପୁରୁଷ ସାମିଲ ହୋଇଥିଲେ। ଜାତି, ଧର୍ମ ନିର୍ବିଶେଷରେ ସମସ୍ତେ ଏକାଠି ହୋଇଥିଲେ। ଏହି ଅବସରରେ ପ୍ରସିଦ୍ଧ ଗୌଡବାଡି ଖେଳ ଆୟୋଜିତ ହୋଇଥିଲା। ଏହାକୁ ସହରବାସୀ ଉପଭୋଗ କରିଥିଲେ। ଏପରିକି ଶ୍ରଦ୍ଧାଳୁମାନେ ପରସ୍ପରକୁ ରଙ୍ଗ ଲଗାଇ ଶ୍ରଦ୍ଧା, ଭଲ ପାଇବାର ବାର୍ତ୍ତା ଦେଇଥିଲେ।
