ବଅଁରପାଳ,୧୪ା୩(ଡି.ଏନ.ଏ.): ବଅଁରପାଳ ବ୍ଲକ ନାଲ୍କୋନଗର ଯାଦବ ସମାଜ ଆନୁକୂଲ୍ୟରେ ନାଲ୍କୋ ଶ୍ରୀଜଗନ୍ନାଥ ମନ୍ଦିର ପରିସରରେ ଦୋଳ ଉତ୍ସବ(ଫଗୁ ଦଶମୀ) ରବିବାର ଆରମ୍ଭ ହୋଇଛି। ସୁସଜ୍ଜିତ ବିମାନରେ ରାଧାକୃଷ୍ଣଙ୍କୁ ପୂଜାର୍ଚ୍ଚନା ଓ ଫଗୁ ଲାଗି କରାଯିବା ପରେ ଯାଦବ ମହିଳାମାନଙ୍କ ଦ୍ବାରା ବନ୍ଦାପନା ସମ୍ପନ୍ନ ହୋଇଛି। ଏହି କାର୍ଯ୍ୟକ୍ରମରେ ବଅଁରପାଳ ନିକଟସ୍ଥ ଲିଙ୍ଗରାକଟା ଗ୍ରାମ ଲଉଡି ଦଳ ଏବଂ ଭଗବତପୁର ଲଉଡି ଦଳ ନୃତ୍ୟ ସହ ଭଜନ ପରିବେଷଣ କରିଥିଲେ। ଯାଦବ ବନ୍ଧୁମାନେ ଉଭୟ ଦଳକୁ ପାଛୋଟି ନେଇଥିଲେ। ବରିଷ୍ଠ ଆଇନଜୀବୀ ତଥା ଜିଲା ଯାଦବ ସମାଜ ସଭାପତି ଭାସ୍କର ଚନ୍ଦ୍ର ବେହେରା ମୁଖ୍ୟ ଅତିଥି, ନାଲ୍କୋ ନିର୍ବାହୀ ନିର୍ଦ୍ଦେଶକ ଅମ୍ବିକା ପଣ୍ଡା, ମାନବ ସମ୍ବଳ ମୁଖ୍ୟ ପ୍ରବନ୍ଧକ ସତ୍ୟାନନ୍ଦ ସାହୁ ସମ୍ମାନିତ ଅତିଥି ରୂପେ ଯୋଗଦେଇଥିଲେ। ସଭାପତି ଦିନବନ୍ଧୁ ଭୂତିଆ, ସମ୍ପାଦକ ଭରତ ଚନ୍ଦ୍ର ରାଉତ, ମୁକୁନ୍ଦ ବେହେରା କାର୍ଯ୍ୟକ୍ରମ ସଞ୍ଚାଳନ କରିଥିବା ବେଳେ ପରମାନନ୍ଦ ବେହେରା, ଖଗେଶ୍ବର ଭୂତିଆ, ଅର୍ଜୁନ କୁମାର ବେହେରା, ସୁଦର୍ଶନ ରାଉତ, ସୁଶାନ୍ତ ପରିଡା, ସୁଧୀର ପରିଡା, ପ୍ରକାଶ ବେହେରା, ବିଭୂତି ବେହେରା, ଗୁଣନିଧି ଆରୁଖ, ଦୁରାବାସ ବେହେରା, ସୁମନ୍ତ ସାହୁ, ଅଶୋକ ବେହେରା, ଗଗନ ସେନାପତି, କାମନା ସାହୁ, ଅନ୍ତର୍ଯାମୀ ସେନାପତି ସହଯୋଗ କରିଥିଲେ।