ସଙ୍ଗୀତ ସମସ୍ତଙ୍କୁ ମନ୍ତ୍ରମୁଗ୍ଧ କରେ। ଏମିତି କେହି ନାହିଁ ଗୀତକୁ ଭଲ ପାଏ ନାହିଁ। ଗୀତଟିଏ ବାଜିଲେ ଆପଣ କେବଳ ଖୁସି ଅନୁଭବ କରନ୍ତି ନାହିଁ, ଶକ୍ତି ମଧ୍ୟ ବଢ଼ିଯାଏ। ପାଦ ଆପଣାଛାଏଁ ଉଠିଯାଏ। ଏହା ମଣିଷଙ୍କ କ୍ଷେତ୍ରରେ ଘଟିଥାଏ। ମାତ୍ର କେବେ ଦେଖିଛନ୍ତି ଗୀତର ତାଳେ ତାଳେ ଡଲଫିନ୍ ନାଚୁଥିବାର। ସୋସିଆଲ ମିଡିଆରେ ଏକ ଡଲ୍ଫିନ୍ର ଡ୍ୟାନ୍ସ ଭିଡିଓ ଭାଇରାଲ ହେଉଛି।
👌👌
Ghazab 👌👌👌 pic.twitter.com/3c1LwP742h
— Rupin Sharma (@rupin1992) May 7, 2022
ଭିଡିଓରେ ଏକ କଳା ରଙ୍ଗର ଡଲଫିନ୍ ଜଣେ ଯୁବତୀଙ୍କ ସହିତ ଅତି ଚମତ୍କାର ଡ୍ୟାନ୍ସ କରୁଥିବାର ନଜର ଆସିଛନ୍ତି। ପାଣିରେ ରହୁଥିବା ଏହି ଡଲଫିନ୍ ଯୁବତୀଙ୍କ ସହିତ ନାଚୁଛି। ଇଂରାଜୀ ଗୀତର ତାଳେ ତାଳେ ଯୁବତୀ ଜଣକ ନାଚୁଥିବା ବେଳେ ଡଲ୍ଫିନ୍ ମଧ୍ୟ ତାଙ୍କ ସହ ନାଚୁଛି। ଯୁବତୀ ଯେମିତି ଢଙ୍ଗରେ ନାଚୁଛନ୍ତି, ଡଲ୍ଫିନ୍ ସେମିତି ଭାବରେ ନାଚୁଛି।
ଏହି ଭିଡିଓ ଦେଖି ଅନେକ ୟୁଜର ଆଶ୍ଚର୍ଯ୍ୟ ହୋଇଯାଇଛନ୍ତି। ଆଇପିଏସ୍ ରୁପିନ ଶର୍ମା ଏହି ଭିଡିଓକୁ ତାଙ୍କ ଟୁଇଟର ପେଜ୍ରେ ଶେୟାର କରି ଏଥିରେ କ୍ୟାପଶନ ଲେଖିଛନ୍ତି, ‘ଆଶ୍ଚର୍ଯ୍ୟଜନକ’। ସୋସିଆଲ ମିଡିଆ ବ୍ୟବହାରକାରୀମାନେ ମଧ୍ୟ ‘ଚମତ୍କାର’ ଏବଂ ‘ଗଜବ’ ବୋଲି ଏଥିରେ ପ୍ରତିକ୍ରିୟା ଦେଇଛନ୍ତି।
