ଓ୍ବାଶିଂଟନ,୨୯।୮: ଆମେରିକାରେ ଆସନ୍ତା ନଭେମ୍ବରରେ ରାଷ୍ଟ୍ରପତି ଓ ଉପରାଷ୍ଟ୍ରପତି ପଦ ପାଇଁ ନିର୍ବାଚନ ହେବାକୁ ଥିବା ବେଳେ ଡେମୋକ୍ରାଟିକ ଓ ରିପବ୍ଲିକ ପାର୍ଟିର ପ୍ରାର୍ଥୀ ଜଣେ ଅନ୍ୟ ଜଣଙ୍କୁ ଟାର୍ଗେଟ କରିଛନ୍ତି। ଡେମୋକ୍ରାଟିକ ପାର୍ଟିର ପ୍ରାର୍ଥୀଜୋ ବିଡେନ ଓ କମଳା ହାରିସ ରିପବ୍ଲିକ ପାର୍ଟିର ପ୍ରାର୍ଥୀ ତଥା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପକୁ ଟାର୍ଗେଟ କରିଛନ୍ତି। ଏମାନେ କହିଛନ୍ତି ଟ୍ରମ୍ପ ରାଷ୍ଟ୍ରପତି ପଦର ଅର୍ଥ ବୁଝନ୍ତି ନାହିଁ। ବିଡେନ ଆମେରିକାରେ ବଢି ଚାଲିଥିବା କରୋନା ସଂକ୍ରମଣକୁ ନେଇ ଟ୍ରମ୍ପଙ୍କ ଉପରେ ଖୁବ୍ ବର୍ଷିଛନ୍ତି। ସେ କହିଛନ୍ତି ଠିକ୍ ସମୟରେ ଟ୍ରମ୍ପ ଠିକ୍ ପଦକ୍ଷେପ ନ ନେବାରୁ ଆମରିକାରେ କରୋନା ସଂକ୍ରମଣ ବଢିବାରେ ଲାଗିଛି। ଏହାସହ ଦେଶରେ ହେଉଥିବା ବିରୋଧ ପ୍ରଦର୍ଶନ ପାଇଁ ମଧ୍ୟ ଟ୍ରମ୍ପ ଦାୟୀ। ଏହାସହ ଉପରାଷ୍ଟ୍ରପତି ପ୍ରାର୍ଥୀ କମଲା ମଧ୍ୟ ଟ୍ରମ୍ପଙ୍କ ବିରୋଧରେ ସମାନ ଅଭିଯୋଗ ଆଣି କହିଛନ୍ତି ଟ୍ରମ୍ପ ରାଷ୍ଟ୍ରପତି ପଦର ଅର୍ଥ ବୁଝନ୍ତି ନାହିଁ। ବିଡେନ କହିଛନ୍ତି ଆମେରିକାରେ ହେଉଥିବା ହିଂସା କେବଳ ଟ୍ରମ୍ପଙ୍କ ସମୟରେ ହୋଇଛି। ଟ୍ରମ୍ପ କରୋନା ସଂକ୍ରମଣକୁ ନେଇ ବିଶେଷଜ୍ଞଙ୍କ ରାୟ ଗ୍ରହଣ କଲେ ନାହିଁ। ଠିକ୍ ସମୟରେ ଉଚିତ ପଦକ୍ଷେପ ନେଲେ ନାହିଁ ଯାହାପାଇଁ ଏବେ ଆମକୁ ବହୁ ମୂଲ୍ୟ ଦେବାକୁ ପଡୁଛି। ହଜାର ହଜାର ସଂଖ୍ୟାରେ ଜନତା କରୋନା ସଂକ୍ରମିତ ହୋଇ ଆଖି ବୁଜୁଛନ୍ତି।
