ୱାଶିଂଟନ,୮ ।୧୧: ଆମେରିକା ରାଷ୍ଟ୍ରପତି ନିର୍ବାଚନ ସରିଥିବା ବେଳେ ଏଥିରେ ଡେମୋକ୍ରାଟିକ ଦଳର ପ୍ରାର୍ଥୀ ଜୋ ବାଇଡେନ ବିଜୟ ଲାଭ କରି ରାଷ୍ଟ୍ରପତି ପଦରେ ବସିବାକୁ ସଜବାଜ ହେଲେଣି । ହେଲେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବେବି ନିଜର ପରାଜୟ ସ୍ୱୀକାର କରିବାକୁ ପ୍ରସ୍ତୁତ ନାହାଁନ୍ତି । ଟ୍ରମ୍ପ କହିଛନ୍ତି ଏଥର ନିର୍ବାଚନରେ ଜାଲିଆତି କରାଯାଇଛି । ତେଣୁ ମୁଁ ବିଜୟ ଲାଭ କରିଛି । ସେ କହିଛନ୍ତି ମୋତେ ୭କୋଟି ୧୦ ଲକ୍ଷ ଭୋଟ ମିଳିଛି ଯାହା ଆମେରିକା ରାଷ୍ଟ୍ରପତି ନିର୍ବାଚନରେ ମିଳିଥିବା ଭୋଟଠାରୁ ଯଥେଷ୍ଟ ଅଧିକ ତେଣୁ ମୋର ବିଜୟ ହୋଇଛି । ରିପବ୍ଲିକ ପାର୍ଟି ଅଭିଯୋଗ କରିଛି କି ନିର୍ଦ୍ଧାରିତ ସମୟ ପରେ ଫଳାଫଳ ଆସିବା ନିଶ୍ଚିତ ଭାବେ ଏକ ଯୋଜନା । ତେଣୁ ଭୋଟ ଗଣତି ସମୟ ଶେଷ ହୋଇଥିବା ସମୟରେ ଟ୍ରମ୍ପ ଆଗୁଆ ଥିବାରୁ ତାଙ୍କର ବିଜୟ ହୋଇଥିବା ସେ ଏବେବି ଦାବି କରୁଛନ୍ତି ।
