ୱାଶିଂଟନ,୧୪ ।୧: ଜଣେ ଲେଖିକା ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫଙ୍କ ବିରୋଧରେ ୯୦ ଦଶକରେ ଏକ ବଳାତ୍କାର ଅଭିଯୋଗ ଆଣିଥିଲେ । ଏହାପରେ ପୀଡ଼ିତା ଟ୍ରମ୍ଫଙ୍କ ବିରୋଧରେ କୋର୍ଟରେ କେଶ ଫାଇଲ କରିଥିଲେ । ଏହି ମାମଲାର ଶୁଣାଣି ସମୟରେ ଡୋନାଲ୍ଡ ଟ୍ରମ୍ଫ ପୀଡ଼ିତାଙ୍କୁ ଅପମାନିତ କରିଥିଲେ ଏବଂ ତାଙ୍କ ବିରୋଧରେ ମାମଲା ଦାୟର କରିବାକୁ ଧମକ ଦେଇଥିଲେ । ସୂଚନାଯୋଗ୍ୟ, ଏଲେ ମାଗାଜିନ ସ୍ତମ୍ଭକାର ଇ ଜିନ କରୋଲ ଡୋନାଲ୍ଡ ଟ୍ରମ୍ଫଙ୍କ ଉପରେ ବଳାତ୍କାର ଅଭିଯୋଗ ଆଣିଛନ୍ତି । ଶୁଣାଣି ସମୟରେ ଟ୍ରମ୍ଫ କହିଛନ୍ତି, ମୁ କିଛି କରିଥିଲି, କିନ୍ତୁ ଏପରି କିଛି ଘଟି ନ ଥିଲା । ମୁଁ ଏ ବିଷୟରେ ମଧ୍ୟ ଜାଣି ନାହିଁ ।
ଏହି ମାମଲାରେ ପୀଡ଼ିତାଙ୍କ ଓକିଲ ରବର୍ଟ କାପଲାନଙ୍କ ସହ ବି ଟ୍ରମ୍ଫ ସଂଘର୍ଷ କରିଥିଲେ । ଏହି ସମୟରେ ଉଭୟଙ୍କ ମଧ୍ୟରେ ତୀବ୍ର ଯୁକ୍ତି ତର୍କ ହୋଇଥିଲା । ପ୍ରକୃତରେ ଟ୍ରମ୍ପ ପୀଡ଼ିତା କାରୋଲଙ୍କୁ ଷଡଯନ୍ତ୍ରକାରୀ ବୋଲି କହିବା ସହ ତାଙ୍କ ବିରୋଧରେ ମିଥ୍ୟା ମାମଲା ରୁଜୁ କରାଯାଇଥିବା କହିଥିଲେ । ଟ୍ରମ୍ଫ ଓକିଲ ରବର୍ଟଙ୍କୁ କହିଛନ୍ତି, ଯେତେବେଳେ ଏହି ମାମଲା ଶେଷ ହେବ ସେତେବେଳେ ମୁଁ ତାଙ୍କ ବିରୋଧରେ ମାମଲା କରିବା ସହ ତୁମ ବିରୋଧରେ ବି ମାମଲା କରିବି ।
ସୂଚନାଯୋଗ୍ୟ, ପୀଡ଼ିତା ସ୍ତମ୍ଭକାର କାରୋଲ ୨୦୧୯ରେ ପ୍ରକାଶିତ ଏକ ପୁସ୍ତକରେ ଦାବି କରିଛନ୍ତି ଯେ ୯୦ ଦଶକ ମଧ୍ୟଭାଗରେ ସେ ମ୍ୟାନହେଟନ ବିଭାଗରେ ଏକ ଦୋକାନରେ ଟ୍ରମ୍ଫଙ୍କ ଦ୍ୱାରା ବଳାତ୍କାରର ଶିକାର ହୋଇଥିଲେ ।
