ଓ୍ବାଶିଂଟନ,୨୩।୪: ଓ୍ବାର୍ଲ ଷ୍ଟ୍ରିଟ ଜର୍ନାଲର ସର୍ବେକ୍ଷଣ ହିସାବରେ ପୂର୍ବତନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ଆଗାମୀ ରାଷ୍ଟ୍ରପତି ନାମାଙ୍କନ ଦୌଡରେ ଫ୍ଲୋରିଡାର ଗଭର୍ନର ରନ ଡିସାଂଟିସଙ୍କୁ ପଛରେ ପକାଇ ଦେଇଛନ୍ତି। ସର୍ଭେରୁ ଜଣାପଡିଛି କି ଟ୍ରମ୍ଫ ଅଧିକାଂଶ ପ୍ରାଇମେରି ଇଲେକ୍ଟୋରେଟର ସମର୍ଥନରେ ସଫଳ ହୋଇଛନ୍ତି। ଏହି ସର୍ବେକ୍ଷଣ ଆହୁରି ମଧ୍ୟ କହୁଛି ଯେ ଡିସାଂଟିସ ରାଷ୍ଟ୍ରୀୟ ସ୍ତରରେ ସଂଘର୍ଷ କରୁଛନ୍ତି। ସର୍ଭେର ପରିଣାମ ହିସାବରେ ୫୧ ପ୍ରତିଶତ ରିପବ୍ଲିକନ ପ୍ରାଥମିକ ମତଦାତା ରନ ଡିସାଂଟିସଙ୍କ ତୁଳନାରେ ଡୋନାଲ୍ଡ ଟ୍ରମ୍ଫଙ୍କୁ ସମର୍ଥନ କରୁଛନ୍ତି। ଡିସାଂଟିସଙ୍କୁ ୩୮ ପ୍ରତିଶତ ଲୋକେ ପସନ୍ଦ କରୁଛନ୍ତି। ଡିସାଂଟିସ ଫ୍ଲୋରିଡାର ଗଭର୍ନର ଭାବେ ଦ୍ୱିତୀୟ ଥର ନିର୍ବାଚିତ ହେବା ପରେ ଡିସେମ୍ବରରେ ୧୪ ଅଙ୍କ ଅଧିକ ପାଇଥିଲେ। ହେଲେ ଏବେ ତାଙ୍କର ରେଟିଂ ୧୩ ଅଙ୍କ ତଳକୁ ଖସିଯାଇଛି। ଡୋନାଲ୍ଡ ଟ୍ରମ୍ଫ ୧୨ ରିପବ୍ଲିକାନ ଦାବିଦାରଙ୍କ ମଧ୍ୟରୁ ୪୮ ପ୍ରତିଶତ ଲୋକଙ୍କ ସମର୍ଥନ ହାସଲ କରିବାରେ ସଫଳ ହୋଇଛନ୍ତି।