ତେବେ ବୁଧବାର ଆମେରିକାର ନିର୍ବାଚନ ଫଳାଫଳ ପ୍ରକାଶ ପାଇଲାବେଳେ, ୟୁକ୍ରେନୀୟମାନେ ଏବେ ଭୟରେ ଅଛନ୍ତି ଯେ, ରୁଷିଆ ସହ ସଂଗ୍ରାମ କରିବା ପାଇଁ ୱାଶିଂଟନ୍ର ଗୁରୁତ୍ୱପୂର୍ଣ୍ଣ ସହାୟତାକୁ ଟ୍ରମ୍ପ ବନ୍ଦ କରିପାରନ୍ତି।ସେପଟେ ଆମେରିକାର ୟୁକ୍ରେନର ପୂର୍ବତନ ରାଷ୍ଟ୍ରଦୂତ ଓଲେଗ ଶାମସୁର କହିଛନ୍ତି, “ଟ୍ରମ୍ପଙ୍କ ବିଜୟ ଗୁରୁତର ବିପଦ ସୃଷ୍ଟି କରିବ। ପରିସ୍ଥିତି ଉଦ୍ବେଗଜନକ ହେବ।”
ୱାଶିଂଟନ୍ ୟୁକ୍ରେନକୁ ନାଟୋ ମାଧ୍ୟମରେ ବ୍ୟାପକ ସମର୍ଥନ ଯୋଗାଉଛି, ବର୍ତମାନ ସୁଦ୍ଧା ୟୁକ୍ରେନ କୋଟି କୋଟି ଡଲାର ଆର୍ଥିକ ଏବଂ ସାମରିକ ସହାୟତା ପାଇଛି ଏବଂ ଏହା ଅଧିକ ଶକ୍ତିଶାଳୀ ରୁଷିଆ ବିରୋଧରେ ଲଢେଇ ଜାରି ରଖିପାରିବ। ଗତ କିଛି ମାସ ମଧ୍ୟରେ ୟୁରୋପ ଏବଂ ଯୁକ୍ତରାଷ୍ଟ୍ରରେ ସେହି ସମର୍ଥନ ହ୍ରାସ ଦେଖିବାକୁ ମିଳିଛି।
ପୂର୍ବରୁ ୟୁକ୍ରେନ ପାଇଁ ଆମେରିକାର ସମର୍ଥନକୁ ଟ୍ରମ୍ପ ବାରମ୍ବାର ସମାଲୋଚନା କରିଛନ୍ତି ଏବଂ ଦାବି କରିଛନ୍ତି ଯେ ସେ ୨୪ ଘଣ୍ଟା ମଧ୍ୟରେ ଯୁଦ୍ଧ ଶେଷ କରିବେ, ଯାହା ଏବେ ୟୁକ୍ରେନର ଭୟ ବଢ଼ାଇ ଦେଇଛି।