ଟେଲି ଅଭିନେତ୍ରୀ ଦେବିନା ବାନାର୍ଜୀ ପୁଣି ଥରେ ମା’ ହୋଇଛନ୍ତି। ଦେବିନା ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି। ଅଭିନେତା ତଥା ଦେବିନାଙ୍କ ସ୍ବାମୀ ଗୁରୁମିତ ଚୌଧୁରୀ ଇନଷ୍ଟାଗ୍ରାମରେ ଏକ ପୋଷ୍ଟ ଶେୟାର କରି ଏହି ଖୁସି ଖବର ପ୍ରଶଂସକଙ୍କୁ ଦେଇଛନ୍ତି। ଚଳିତବର୍ଷ ଏପ୍ରିଲ ୩ରେ ଦେବିନା ଝିଅ ଲିଆନାଙ୍କୁ ଜନ୍ମ ଦେଇଥିଲେ।
ଗୁରୁମିତ ଇନଷ୍ଟାଗ୍ରାମରେ ଏକ ସୁନ୍ଦର ପୋଷ୍ଟ ଶେୟାର କରିଛନ୍ତି। ଏହି ପୋଷ୍ଟରେ ଗୁରୁମିତ ଦେବିନାଙ୍କ ସହ ମାତୃତ୍ୱ ଫଟୋଶୁଟର ଏକ ଫଟୋ ଶେୟାର କରି ଏକ ଭାବପ୍ରବଣ କ୍ୟାପସନ ଲେଖିଛନ୍ତି, ଶିଶୁ କନ୍ୟାକୁ ଏହି ଦୁନିଆକୁ ସ୍ବାଗତ। ଆମେ ଦ୍ୱିତୀୟ ଥର ପାଇଁ ମାତାପିତା ହୋଇଛୁ। ଏହି ସମୟରେ ଆମେ କେବଳ ଆପଣଙ୍କଠାରୁ ଗୋପନୀୟତା ଆଶା କରୁ। ଆମର ଶିଶୁ କନ୍ୟା ଏହି ଦୁନିଆକୁ ସମୟ ପୂର୍ବରୁ ଆସିଛି। ଆପଣ ସମସ୍ତେ ଆଶୀର୍ବାଦ ଦିଅନ୍ତୁ।
ଦେବିନା ତାଙ୍କର ପ୍ରଥମ ଝିଅକୁ ଜନ୍ମ ଦେବାର ମାତ୍ର ମାସେ ପରେ ପୁନର୍ବାର ଗର୍ଭଧାରଣ ଘୋଷଣା କରିଥିଲେ। ଏହା ଶୁଣିବା ପରେ ଅନେକ ଲୋକ ଏହାକୁ ବିଶ୍ୱାସ କରି ପାରି ନ ଥିଲେ।
