ବାୟୁ ପ୍ରଦୂଷଣ ଯୋଗୁ ଆମ ସ୍କିନ୍ରେ ବିଭିନ୍ନ ପ୍ରକାର ସମସ୍ୟା ଦେଖାଯାଇଥାଏ। ଫଳରେ ସ୍କିନ୍ ବହୁ ଶୀଘ୍ର ଖରାପ୍ ହେବାକୁ ଲାଗେ। ସ୍କିନ୍କୁ ଡଲ୍ ହେବାଠୁ ବଞ୍ଚାଇବାକୁ ହେଲେ ପ୍ରତି ମାସରେ ଫେସିଆଲ୍ କରିବା ନିହାତି ଜରୁରୀ। ଫଳରେ ଏହାର ଫାଇଦା ଆପଣଙ୍କୁ ମିଳିପାରିବ। କିନ୍ତୁ କେତେକେ ଅଛନ୍ତି ଫେସିଆଲ୍ କରିବା ସତ୍ତ୍ୱେ ତାଙ୍କ ମୁହଁରେ ଗ୍ଲୋ ଦେଖାଯାଇ ନ ଥାଏ। ଏଠାରେ ଆପଣଙ୍କୁ କେତୋଟି ଟିପ୍ସ ଦିଆଯାଉଛି ଯାହାକୁ ଫଲୋ କରିବା ଦ୍ୱାରା ଆପଣଙ୍କ ସ୍କିନ୍ ଗ୍ଲୋ କରିଥାଏ
ମୁହଁରେ ବାରମ୍ବାର ହାତ ମାରିବା
ଫେସିଆଲ୍ ପରେ ଯଦି ଆପଣ ନିଜ ମୁହଁରେ ବାରମ୍ବାର ହାତ ମାରୁଛନ୍ତି ତେବେ ହାତରେ ଥିବା ସଂକ୍ରମଣ ସ୍କିନ୍ରେ ପହଞ୍ଚତ୍ବ । ଫଳରେ ମୁଖବ୍ରଣ ସମସ୍ୟା ଦେଖାଯିବା ଆଶଙ୍କା ରହିଛି।
ମେକ୍ଅପ୍ କରିବା
ସବୁବେଳେ ଗୋଟିଏ କଥା ଧ୍ୟାନରେ ରଖନ୍ତୁ ଯେ ଫେସିଆଲ୍ ପରେ ତୁରନ୍ତ ମେକ୍ଅପ୍ ନିଅନ୍ତୁ ନାହିଁ। ଏହାଦ୍ୱାରା ସ୍କିନ୍ର କ୍ଷତି ହୋଇପାରେ। ଏଥିପାଇଁ ଭଲ ହେବ ଯଦି ଆପଣଙ୍କୁ କୌଣସି ଫଙ୍କ୍ସନକୁ ଯିବାର ଥାଏ ତେବେ ଏହାର ୩ ଦିନ ପୂର୍ବରୁ ଫେସିଆଲ୍ କରାଇ ନିଅନ୍ତୁ। ଏମିତି କରିବା ଦ୍ୱାରା ଫେସିଆଲ ପରେ ଓପନ ପୋର୍ସକୁ ମେକ୍ଅପ୍ କେମିକାଲଠୁ ସ୍କିନ୍କୁ ରକ୍ଷା କରିହେବ।
ଫେସ୍ଓ୍ବାଶ୍ କିମ୍ବା ସ୍କ୍ରବ୍ କରନ୍ତୁ ନାହିଁ
ଫେସିଆଲ୍ କରିବାର ୪-୬ ଘଣ୍ଟା ମଧ୍ୟରେ ଫେସ୍ଓ୍ବାଶ୍ କିମ୍ବା ସ୍କ୍ରବ୍ ବ୍ୟବହାର କରନ୍ତୁ ନାହିଁ। ଯଦି ଆପଣ ଭାବୁଥାନ୍ତି ମୁହଁକୁ ଧୋଇବା ଆବଶ୍ୟକ ବୋଲି ତେବେ ମୁହଁକୁ କେବଳ ଖାଲି ପାଣିରେ ହିଁ ଧୋଇଦିଅନ୍ତୁ। ଧ୍ୟାନରଖନ୍ତୁ ମୁହଁକୁ ପୋଛିବା ସମୟରେ ଟାଓ୍ବେଲକୁ ମୁହଁରେ ରଗଡ଼ନ୍ତୁ ନାହିଁ। ଏମିତି କରିବା ଦ୍ୱାରା ସ୍କିନ୍ ଡ୍ୟାମେଜ୍ ହୋଇପାରେ ଫେସିଆଲର ପ୍ରଭାବ କମ୍ ହୋଇଯିବା ଆଶଙ୍କା ରହିଛି।
ଖରାରେ ବାହାରକୁ ବାହାରନ୍ତୁନି
ଫେସିଆଲ୍ କରିବା ପରେ ତୁରନ୍ତ ଖରାକୁ ବାହାରନ୍ତୁ ନାହିଁ। ଫେସିଆଲ୍ ପରେ ତ୍ୱଚା ବହୁତ ନମନୀୟ ରହିଥାଏ। ଧୂଳି,ଖରା ଆଦି ତ୍ୱଚା ଲାଗି ହାନିକାରକ ହୋଇପାରେ। ଏଥିପାଇଁ କୌଣସି ପ୍ରକାର ଆଲର୍ଜିଠାରୁ ଦୂରେଇ ରହିବାକୁ ହେଲେ ଫେସିଆଲ୍ ପରେ ଖରାକୁ ବାହାରନ୍ତୁ ନାହିଁ।
ଓ୍ବାକ୍ସିଂ କରନ୍ତୁ ନାହିଁ
ଯଦି ଆପଣ ଓ୍ବାକ୍ସିଂ କରିବାକୁ ଭାବୁଥାନ୍ତି ତେବେ ଭଲ ହେବ ଫେସିଆଲ ପୂର୍ବରୁ ଏହାକୁ କରାଇ ନିଅନ୍ତୁ। କାରଣ ଫେସିଆଲ୍ କରିବା ପରେ ସ୍କିନ୍ ବହୁତ ସେନ୍ସିଟିଭ୍ ରହିଥାଏ। ଏମିତିରେ ଯଦି ଆପଣ ମୁହଁରେ ଓ୍ବାକସିଂ କରିବାକୁ ଭାବୁଥାନ୍ତି ଏହା ସ୍କିନ୍କୁ ଡ୍ୟାମେଜ୍ କରିବାର ଯଥେଷ୍ଟ ଆଶଙ୍କା ରହିଛି।