ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ଡେବ୍ୟୁ କରିଥିବା ଓପନିଂ ବ୍ୟାଟ୍ସମ୍ୟାନ ଶୁବମନ ଗିଲ ତାଙ୍କର ପ୍ରଥମ ଟେଷ୍ଟ ସିରିଜରେ ସମସ୍ତଙ୍କୁ ପ୍ରଭାବିତ କରିଥିଲେ। ମେଲବୋର୍ନ ଟେଷ୍ଟରେ ଡେବ୍ୟୁ କରିବା ସମୟରେ ଗିଲ ସୁପର ଇନିଂସ ଖେଳିଥିଲେ। ସମସ୍ତେ ଗିଲଙ୍କ କୌଶଳକୁ ପ୍ରଶଂସା କରିଥିଲେ। ପୂର୍ବତନ ଓପନର୍ ଗୌତମ ଗମ୍ଭୀର ମଧ୍ୟ ଗିଲଙ୍କ ପ୍ରଶଂସକ ହୋଇଥିଲେ, କିନ୍ତୁ ତାଙ୍କୁ ପ୍ରଶଂସା କରିବା ସହିତ ତାଙ୍କୁ ଏତେ ଶୀଘ୍ର ମୁଣ୍ଡରେ ବସାଇବା ଠିକ ନୁହେଁ ବୋଲି ମଧ୍ୟ କହିଥିଲେ। ଗମ୍ଭୀର କହିଛନ୍ତି ଯେ ଗିଲଙ୍କୁ ଏପର୍ଯ୍ୟନ୍ତ ଚାପ ଦିଆଯିବା ଉଚିତ ନୁହେଁ, ବରଂ ତାଙ୍କୁ ସମୟ ଦିଆଯିବା ଉଚିତ। ଆଡିଲେଡରେ ଲଜ୍ଜାଜନକ ପରାଜୟ ପରେ ମେଲବୋର୍ନରେ ଖେଳାଯାଇଥିବା ଦ୍ୱିତୀୟ ଟେଷ୍ଟରେ ଦଳରେ ଏକ ବଡ଼ ପରିବର୍ତ୍ତନ ହୋଇଥିଲା ଏବଂ ଓପନର୍ ପୃଥ୍ବୀ ଶ’ଙ୍କୁ ବସାଇ ଶୁବମନ ଗିଲଙ୍କୁ ସୁଯୋଗ ଦିଆଯାଇଥିଲା। ବ୍ରିସବେନ ଟେଷ୍ଟରେ ସେ ଏକ ଶତକ ହାସଲ କରିବାରେ ବଞ୍ଚିତ ହୋଇଥିଲେ। ଗିଲ ଯେଉଁଭଳି ପ୍ରଦର୍ଶନ କରୁଛନ୍ତି, ଇଂଲଣ୍ଡ ବିପକ୍ଷ ଦଳରେ ତାଙ୍କର ସ୍ଥାନ ମଧ୍ୟ ନିଶ୍ଚିତ ହୋଇଛି। ଗମ୍ଭୀର କହିଛନ୍ତି ଯେ ଗିଲ ଏବେଠାରୁ ଅଧିକ ଚିନ୍ତା କରିବା ଉଚିତ୍ ନୁହେଁ, ଏହା ତାଙ୍କୁ ଚାପରେ ପକାଇପାରେ ବୋଲି ସେ କହିଛନ୍ତି। ସୂଚନାଯୋଗ୍ୟ, ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ଗିଲ ୨ଟି ଇନିଂସରେ ୨୫୯ରନ ସଂଗ୍ରହ କରିଥିଲେ। ଏଥି ମଧ୍ୟରେ ୨ଟି ଅର୍ଦ୍ଧଶତକ ସାମିଲ ଥିଲା।
