ବେଜିଂ,୨୩।୬: ଚାଇନା ୨୨ ଜୁନ ଭୋର ପ୍ରାୟ ୩ଟାରେ (ଚାଇନିଜ ସମୟ) ଶିଚାଙ୍ଗ ସାଟେଲାଇଟ ଲଞ୍ଚ ସେଣ୍ଟରରୁ ଲଙ୍ଗ ମାର୍ଚ୍ଚ ୨-ସି ରକେଟ ବ୍ୟବହାର କରି ଏକ ଉପଗ୍ରହ ଉତକ୍ଷେପଣ କରିଛି। ଏହି ଉପଗ୍ରହକୁ ଚାଇନା ଏବଂ ଫ୍ରାନ୍ସ ମିଳିତ ଭାବେ ଉତକ୍ଷେପଣ କରିଛନ୍ତି। ଅବଶ୍ୟ, ଉଡ଼ାଣ ପରେ ତୁରନ୍ତ, ରକେଟର ବୁଷ୍ଟର୍ ଅଲଗା ହୋଇ ପୃଥିବୀର ଏକ ଆବାସିକ ଅଞ୍ଚଳରେ ପଡ଼ିଯାଇଛି।
ଭୂମିରେ ପଡିବା ପରେ ତୁରନ୍ତ ଏହା ବିସ୍ଫୋରଣ ହୋଇ ଅଞ୍ଚଳରେ ଆତଙ୍କ ସୃଷ୍ଟି କରିଥିଲା। ଏହି ଘଟଣାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେବାରେ ଲାଗିଛି ଯେଉଁଥିରେ ଲୋକମାନେ ଆତଙ୍କିତ ଅବସ୍ଥାରେ ଦୌଡୁଥିବାର ଦେଖାଯାଉଛି।
ଚାଇନା ସହ ସହଯୋଗ କରି ଫ୍ରାନ୍ସ ଏହାର ନାମ ପ୍ରସିଦ୍ଧ କରିବାକୁ ଚାହୁଁଥିଲା, କିନ୍ତୁ ଚାଇନାର ରକେଟର ବିଫଳତା ହେତୁ ଏହା ଉପରେ ପ୍ରଶ୍ନ ଚିହ୍ନ ଉଠିଛି।
ଏହାପୂର୍ବରୁ ଚାଇନା ଘୋଷଣା କରିଥିଲା ଯେ ଏହାର ଚନ୍ଦ୍ରାୟଣ ଚାଙ୍ଗ -୬ ଚନ୍ଦ୍ରର ଦୂର ପାର୍ଶ୍ୱରୁ ସଂଗୃହିତ ନମୁନାକୁ ଚନ୍ଦ୍ର କକ୍ଷପଥରେ ଏକ ମହାକାଶଯାନକୁ ସ୍ଥାନାନ୍ତର କରିଛି। ଏହି ମାନବବିହୀନ ମହାକାଶଯାନ ଚନ୍ଦ୍ରର ଦୂର ପାର୍ଶ୍ୱରୁ ନମୁନା ସଂଗ୍ରହ କରିବାରେ ପ୍ରଥମ ଦେଶ ଭାବରେ ଜୁନ ୨୫ରେ ପୃଥିବୀକୁ ଫେରିବାର କାର୍ଯ୍ୟକ୍ରମ ରହିଛି।
🙀 Behind the scenes of SVOM launch https://t.co/Fcc0OAY3ac pic.twitter.com/5fiM4oz2GY
— China 'N Asia Spaceflight 🚀𝕏 🛰️ (@CNSpaceflight) June 22, 2024
