ଲଣ୍ଡନ, ୧୫ା୧ (ଏପି)-ଅଷ୍ଟ୍ରେଲିଆନ ଓପନ୍ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତା ହେବାକୁ ଆଉ କିଛିଦିନ ବାକି ରହିଥିବାବେଳେ ବ୍ରିଟିଶ ଖେଳାଳି ଆଣ୍ଡି ମୁରେ କରୋନାରେ ପୀଡ଼ିତ ହୋଇଛନ୍ତି। ୩ଥର ଗ୍ରାଣ୍ଡସ୍ଲାମ ଚାମ୍ପିୟନ ବର୍ତ୍ତମାନ ନିଜ ଘରେ ଆଇସୋଲେଶନରେ ରହିଛନ୍ତି। ଯଦି ସେ ଶୀଘ୍ର ସୁସ୍ଥ ହୁଅନ୍ତି ସେ ଅଷ୍ଟ୍ରେଲିଆନ୍ ଓପନ୍ରେ ଅଂଶଗ୍ରହଣ କରିବେ ବୋଲି ଆଶା ପ୍ରକାଶକରି କହିଛନ୍ତି। ୨୦୨୧ର ପ୍ରଥମ ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ପାଇଁ ମୁରେଙ୍କୁ ଓ୍ବାଇଲ୍ଡ କାର୍ଡ ମିଳିଛି। କୋଭିଡ୍ କଟକଣା ଯୋଗୁ ଅଷ୍ଟ୍ରେଲିଆନ ଓପନ ୩ ସପ୍ତାହ ଘୁଞ୍ଚାଇ ଦିଆଯାଇଛି। ଏହା ଫେବୃୟାରୀ ୮ରୁ ଆରମ୍ଭ ହେବାର କାର୍ଯ୍ୟକ୍ରମ ରହିଛି। ଅଷ୍ଟ୍ରେଲିଆରେ ପହଞ୍ଚତ୍ବା ପରେ ସମସ୍ତ ଖେଳାଳି ଓ ଅଫିସିଆଲ ୧୪ ଦିନ କ୍ୱାରାଣ୍ଡାଇନ୍ରେ ରହିବା ବାଧ୍ୟତାମୂଳକ। ମୁରେ ଅଷ୍ଟ୍ରେଲିଆନ ଓପନରେ ୫ଥର ରନର୍ସଅପ୍ ହୋଇପାରିଛନ୍ତି।