ଭୁବନେଶ୍ୱର,୪।୧୦ (କ୍ରୀଡ଼ା ପ୍ରତିନିଧି): ଗୁଜରାଟର ୬ ସହର ଅହମଦାବାଦ, ଗାନ୍ଧୀନଗର, ସୁରଟ, ଭଦୋଦରା, ରାଜକୋଟ ଓ ଭବନଗରରେ ଚାଲିଥିବା ଜାତୀୟ କ୍ରୀଡ଼ାର ୪ର୍ଥ ଦିବସରେ ସୋମବାର ଓଡ଼ିଶାକୁ ୨ ସ୍ବର୍ଣ୍ଣ, ୩ ରୌପ୍ୟ ସହ ମୋଟ୍ ୮ ପଦକ ମିଳିଛି। ସାଇକ୍ଲିଷ୍ଟ ଦୀନେଶ କୁମାର ଏକାକୀ ୨ଟି ସ୍ବର୍ଣ୍ଣ ପଦକ ଅର୍ଜନ କରିଛନ୍ତି। ସେ ସାଇକ୍ଲିଂର ବ୍ୟକ୍ତିଗତ ଓ ଟିମ୍ ପର୍ଶ୍ୟୁଟରେ ଏହି ସଫଳତା ପାଇଛନ୍ତି। ଶୁଟର ଶ୍ରୀୟଙ୍କା ଷଡ଼ଙ୍ଗୀ ୫୦ ମିଟର ରାଇଫଲ୍ ଏବଂ ସାଇକ୍ଲିଷ୍ଟ ସ୍ବସ୍ତି ସିଂ ଓମ୍ନିଅମ ରେସ୍ରେ ରୌପ୍ୟ ପଦକ ହାସଲ କରିଛନ୍ତି। ସେହିପରି ଶୁଭଶ୍ରୀ ବିଶ୍ୱାଳ, ସୋନାଲି ସ୍ବାଇଁ, ରୀତୁ କାଉଡି, ଦୀପିକା ଖେସ୍, ସଞ୍ଜୁକ୍ତା ଡୁଙ୍ଗ୍ଡୁଙ୍ଗ, ରେଶ୍ମା ଲାକ୍ରା, ମନୀଷା କିସ୍ପୋଟା, ଝରଣା ହସ୍ତି ଓ ଅଶ୍ମିତା କେର୍କେଟାଙ୍କୁ ନେଇ ଗଠିତ ଓଡ଼ିଶା ରୋଇଂ ଦଳ ଡବ୍ଲ୍ୟୁ ୮ ଇଭେଣ୍ଟରେ ରୌପ୍ୟ ପଦକ ଅର୍ଜନ କରିଛନ୍ତି। ରୋଇଂର ଏଲ୍ଡବ୍ଲ୍ୟୁ୨ଏକ୍ସ ଇଭେଣ୍ଟରେ ଆଂଶିକା ଭାରତୀ ଓ ସୋନାଲିକା ଦାସ ଏବଂ ଡବ୍ଲ୍ୟୁ୪ଏକ୍ସ ଇଭେଣ୍ଟରେ ଆଂଶିକା ଭାରତୀ, ସୋନାଲିକା ଦାସ, ଅରୁଣପ୍ରୀତ କୌର ଓ ରିକେଲ ଲାକ୍ରା ବ୍ରୋଞ୍ଜ ପଦକ ପାଇଛନ୍ତି। ଅସୀଚାଳନାରେ ସିନିୟର ଓଡ଼ିଶା ଫଏଲ୍ ଦଳ ବ୍ରୋଞ୍ଜ ପଦକ ପାଇଛି। ରବିନ୍ଦର କୁମାର, ରବି ଶର୍ମା, ହେରୋଜିତ ସିଂ ଓ ରବି କୁମାର ଓଡ଼ିଶା ଦଳର ସଦସ୍ୟ ଥିଲେ। ଏହାକୁ ମିଶାଇ ଚଳିତ ଜାତୀୟ କ୍ରୀଡ଼ାରେ ଓଡ଼ିଶାର ପଦକ ସଂଖ୍ୟା ୧୬ରେ ପହଞ୍ଚତ୍ଛି। ଏହା ମଧ୍ୟରେ ୫ ସ୍ବର୍ଣ୍ଣ, ୪ ରୌପ୍ୟ ଓ ୭ ବ୍ରୋଞ୍ଜ ସାମିଲ।