ମସ୍କୋ,୪ା୩: ରୁଷିଆ-ୟୁକ୍ରେନ ମଧ୍ୟରେ ଘମାଘଟ ଯୁଦ୍ଧ ଚାଲିଛି। ଏହା ଭିତରେ ରୁଷିଆର ଅନେକ ମିଡିଆ ଓ୍ବେବସାଇଟ ଡାଉନ୍ ହୋଇଥିବା ଜଣାପଡ଼ିଛି। ଏଥିରେ ଫେସବୁକ୍ ମଧ୍ୟ ଅନ୍ତର୍ଭୁକ୍ତ। କୁହାଯାଉଛି, ଯୁଦ୍ଧ ବିରୋଧରେ ସ୍ବର ଉତ୍ତୋଳନ କରିଥିବା ଲୋକଙ୍କ ଜିଭରେ ଲଗାମ ଦେବାକୁ ଏହା ଏକ ପ୍ରୟାସ।
ଖବର ଅନୁଯାୟୀ, ମସ୍କୋରେ ଏଏଫ୍ପି ଖବରଦାତାମାନେ ସେମାନଙ୍କର ଫେସ୍ବୁକ୍ ଆକାଉଣ୍ଟ ଖୋଲିବାକୁ ଅସମର୍ଥ। ଏହା ବ୍ୟତୀତ ବିବିସିର ରୁଷୀୟ ଭାଷା ସମ୍ବାଦ ଓ୍ବେବସାଇଟ ମଧ୍ୟ ଖୋଲୁନାହିଁ।
ଆଉଟଲେଟ୍ ମେଡୁଜା କହିଛନ୍ତି, ଏହାର ସାଇଟ୍ ରୁଷିଆର କିଛି ୟୁଜରଙ୍କ ପାଇଁ ଆଉ ଉପଲବ୍ଧ ନାହିଁ। ତାଙ୍କୁ ଅବରୋଧ କରିବା ବିଷୟରେ ଅଧିକାରୀଙ୍କଠାରୁ କୌଣସି ସୂଚନା ମିଳିନାହିଁ ବୋଲି ମଧ୍ୟ କହିଛନ୍ତି। ଗତ ସପ୍ତାହରେ ମସ୍କୋ ୟୁକ୍ରେନ ଉପରେ ଆକ୍ରମଣ କରିବା ପରଠାରୁ ରୁଷିଆର ଅଧିକାରୀମାନେ ମୁକ୍ତ ଗଣମାଧ୍ୟମ ଉପରେ ଚାପ ପକାଇଛନ୍ତି। ଯଦିଓ ଦେଶରେ ଗଣମାଧ୍ୟମ ପ୍ରତିନିଧିଙ୍କ ସ୍ବାଧୀନତା ଦ୍ରୁତ ଗତିରେ ହ୍ରାସପାଉଛି।
ଏହି ସପ୍ତାହ ପୂର୍ବରୁ ରୁଷିଆର ପ୍ରବର୍ତ୍ତନ ନିର୍ଦ୍ଦେଶାଳୟ ଇକୋ ମସ୍କୋଭି ରେଡିଓ ଷ୍ଟେଶନ ଆଉ କିଛି ଟିଭି ଚ୍ୟାନେଲ ଉପରେ ପ୍ରତିବନ୍ଧକ ଲଗାଇବାକୁ ନିର୍ଦ୍ଦେଶ ଦେଇଥିଲେ। ୟୁକ୍ରେନ ଯୁଦ୍ଧରେ ସେ ସରକାରୀ ଲାଇନକୁ ଅସ୍ବୀକାର କରିଥିବାରୁ ଏହା କରାଯାଇଥିଲା। ଅନ୍ୟପକ୍ଷରେ ରୁଷିଆ କହିଛି, ୟୁକ୍ରେନରେ କାର୍ଯ୍ୟାନୁଷ୍ଠାନ ଏକ ସାମରିକ ଅପରେଶନ, ଆକ୍ରମଣ ନୁହେଁ। ରୁଷିଆକୁ ପାଶ୍ଚାତ୍ୟ ଏବଂ ରୁଷୀୟ ବକ୍ତାଙ୍କ ‘ନରସଂହାର’ରୁ ବଞ୍ଚାଇବା ପାଇଁ ଏହା କରାଯାଇଛି।
