ଭୁବନେଶ୍ୱର,୧୭।୭(ଅଭୟ ଦାଶ): ଦେଶର ପ୍ରମୁଖ ଘରୋଇ ସଂସ୍ଥା ତଥା ଅଗ୍ରଣୀ ଶିଳ୍ପ ପ୍ରତିଷ୍ଠାନ ଆର୍ସେଲର ମିତ୍ତଲ ନିପନ ଷ୍ଟିଲ୍ ଇଣ୍ଡିଆ(ଏଏମ୍ଏନ୍ଏସ୍)ର ନୂତନ ମାନବ ସମ୍ବଳ ମୁଖ୍ୟ ଭାବେ ଡ. ଦେବବ୍ରତ ଦାଶ ନିକଟରେ ଯୋଗ ଦେଇଛନ୍ତି। ସେ କମ୍ପାନୀର ପୂର୍ବ ଭାରତ ମାନବ ସମ୍ବଳ ମୁଖ୍ୟ (ଏଚ୍ଆର୍ ହେଡ୍) ଭାବେ ଦାୟିତ୍ୱ ଗ୍ରହଣ କରିଛନ୍ତି।
ଉଲ୍ଲେଖଯୋଗ୍ୟ, ଦାଶ ବର୍ତ୍ତମାନ କମ୍ପାନୀ ଓଡ଼ିଶା ୟୁନିଟ୍ ସମେତ ପୂର୍ବ ଭାରତର ଅନ୍ୟ ୩ ପ୍ରମୁଖ ରାଜ୍ୟର ଏଚ୍ଆର୍ ହେଡ୍ ଭାବେ ଏଏମ୍ଏନ୍ଏସ୍ର ଭୁବନେଶ୍ୱରସ୍ଥିତ ଆଞ୍ଚଳିକ ମୁଖ୍ୟାଳୟରେ କାର୍ଯ୍ୟ କରିବେ। ଏହା ପୂର୍ବରୁ ସେ ଟାଟା ଷ୍ଟିଲ୍ ଓଡ଼ିଶା ୟୁନିଟ୍ (ଟାଟା ଷ୍ଟିଲ୍ କଳିଙ୍ଗନଗର ୟୁନିଟ୍)ର ମାନବ ମମ୍ବଳ ଅଧିକାରୀ ଭାବେ ଦକ୍ଷତାର ସହ କାର୍ଯ୍ୟ କରୁଥିଲେ।
ସେହିଭଳି ଦାସ କଲେଜ ଅଫ୍ ଇଞ୍ଜିନିୟରି ଆଣ୍ଡ ଟେକ୍ନୋଲୋଜି (ସିଇଟି)ରୁ ଇଲେକ୍ଟ୍ରିକାଲ ଇଞ୍ଜିନିୟରି ଏବଂ ଜାଭିୟର ଇନ୍ଷ୍ଟିଚ୍ୟୁଟ ଅଫ୍ ମ୍ୟାନେଜମେଣ୍ଟରୁ ମାଷ୍ଟର ଅଫ୍ ବିଜ୍ନେସ୍ ଆଡ୍ମିନିଷ୍ଟଟେଟିଭ (ଏମ୍ବିଏ)ରେ ଉଚ୍ଚତର ଶିକ୍ଷା ସମାପ୍ତ ସହ ଉତ୍କଳ ବିଶ୍ୱବିଦ୍ୟାଳୟରୁ ମାନବ ସମ୍ବଳ ବିଭାଗରେ ଗବେଷଣା କରି ପିଏଚ୍.ଡି. ଡିଗ୍ରୀ ହାସଲ କରିଛନ୍ତି।