ରଘୁନାଥପୁର,୧୯ା୧୧(ଡି.ଏନ୍.ଏ.): ଛତିଶଗଡ଼ ରାୟପୁରଠାରେ ଜବାହରଲାଲ ନେହେରୁ ଅନ୍ତର୍ଜାତୀୟ ଶିକ୍ଷା ସମ୍ମିଳନୀ (ଭିଜନ ୨୦୩୦) ନଭେମ୍ବର ୧୪ରେ ଅନୁଷ୍ଠିତ ହୋଇଯାଇଛି। ଓଡିଶାରୁ ଏକମାତ୍ର ଶିକ୍ଷକ ଭାବେ ଏହି ସମ୍ମିଳନୀରେ କଟକ ଜିଲା ନିଶ୍ଚିନ୍ତକୋଇଲି ବ୍ଲକ ଉତ୍ତରକୂଳ ପଞ୍ଚାୟତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ମୁଗୁରିଆରୁ ଡ. ମହମ୍ମଦ ଓସାମା ଯୋଗଦେଇଥିଲେ।
ତାଙ୍କ ଦ୍ୱାରା ପ୍ରସ୍ତୁତ ଇଂଲିଶ୍ ଭାଷା ଶିକ୍ଷା ପ୍ରକଳ୍ପକୁ ସମ୍ମିଳନୀରେ ପ୍ରଶଂସା କରାଯିବା ସହ ୧୭୧ ସ୍ବାମୀ ଆତ୍ମାନନ୍ଦ ଇଂଲିଶ୍ ମିଡିୟମ ସ୍କୁଲ୍ରେ ସ୍ଥାନ ପାଇବ ବୋଲି ଛତିଶଗଡ଼ ସରକାର ଘୋଷଣା କରିଛନ୍ତି। ଏନେଇ ଡ. ଓସାମାଙ୍କଠାରୁ ଅନୁମତି ପତ୍ରରେ ସ୍ବାକ୍ଷର କରାଯାଇଛି। ସମ୍ମିଳନୀକୁ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ ଉଦ୍ଘାଟନ କରିଥିଲେ। ଶିକ୍ଷାମନ୍ତ୍ରୀ ପ୍ରେମସାଇ ଟିକାମ ପରିଚାଳନା କରିଥିଲେ। ଏହି ସମ୍ମିଳନୀରେ ଭାରତରୁ ୫୧ ଜଣ ମନୋନୀତ ପ୍ରତିନିଧି ଯୋଗଦେଇବାବେଳେ ବିଶ୍ୱର ବିଭିନ୍ନ ଦେଶର ଜୁରିମାନେ ଭର୍ଚୁଆଲରେ ଏଥିରେ ଅଂଶଗ୍ରହଣ କରିଥିଲେ। ଓସାମାଙ୍କ ଏହି ସଫଳତା ପାଇଁ ପ୍ରଧାନ ଶିକ୍ଷକ ଆଶୁତୋଷ ବାନାର୍ଜୀ, ବିଇଓ ଲକ୍ଷହୀରା ଲାବଣ୍ୟବତୀ ବେହେରା ଓ ଡିଇଓ କୃଷ୍ଣଚନ୍ଦ୍ର ନାୟକ ପ୍ରମୁଖ ଶୁଭେଚ୍ଛା ଜଣାଇଛନ୍ତି।