ଭୁବନେଶ୍ୱର, ୧୨। ୭ (ବ୍ୟୁରୋ):ଚିକିତ୍ସା କ୍ଷେତ୍ରରେ ଉଲ୍ଲେଖନୀୟ ଅବଦାନ ନିମନ୍ତେ ବରିଷ୍ଠ ପେଟ ରୋଗ ଓ ଲାପାରୋସ୍କୋପି ସର୍ଜନ ଡା. ପ୍ରେମାନନ୍ଦ ପଟ୍ଟନାୟକଙ୍କୁ ଅନ୍ତର୍ଜାତୀୟ ସଂସ୍ଥା ବିଜ୍ନେସ୍ ସଲ୍ୟୁଶନ ପକ୍ଷରୁ ‘ଗୋଲ୍ଡେନ୍ ଏମ୍ ଆଓ୍ବାର୍ଡ’ ମିିଳିଛି। ଭର୍ଚୁଆଲରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଡା. ପଟ୍ଟନାୟକଙ୍କୁ ଏହି ସମ୍ମାନ ପ୍ରଦାନ କରାଯାଇଛି। କାର୍ଯ୍ୟକ୍ରମରେ ଇଣ୍ଡିଆନ୍ ମେଡିକାଲ ଆସୋସିଏଶନ (ଆଇଏମ୍ଏ)ର ସଭାପତି ଜୟନ୍ତ ଲେଲେ, ପୂର୍ବତନ ସଭାପତି ଡା. ଅରୁଲରାଜ୍ ଓ ଥାଇରୋକେୟାରର ପ୍ରତିଷ୍ଠାତା ବେଳୁମଣି ପ୍ରମୁଖ ଯୋଗଦେଇଥିଲେ। ଖୋର୍ଦ୍ଧା ଜିଲା ନିରାକାରପୁର ଥାନା ଅନ୍ତର୍ଗତ କଣ୍ଠପୁର ଗ୍ରାମରେ ଜନ୍ମିତ ଡା. ପଟ୍ଟନାୟକ ଏବେ ହାଇଟେକ୍ ମେଡିକାଲ କଲେଜରେ ଗ୍ୟାଷ୍ଟ୍ରୋସାଇନ୍ସ ବିଭାଗର ନିର୍ଦ୍ଦେଶକ ଓ ବିଭାଗୀୟ ମୁଖ୍ୟ ଭାବେ କାର୍ଯ୍ୟରତ ଅଛନ୍ତି। ପବିତ୍ର ରଥଯାତ୍ରା ଉପଲକ୍ଷେ ଗରିବ ଶ୍ରେଣୀର ଲୋକଙ୍କ ପାଇଁ ରବିବାରଠାରୁ ଡା. ପଟ୍ଟନାୟକଙ୍କ ଦ୍ୱାରା ଲାପାରୋସ୍କୋପି ସର୍ଜନ ମେଳା ଆରମ୍ଭ କରାଯାଇଛି। ଯେଉଁମାନଙ୍କ ପିତ୍ତସ୍ଥଳୀରେ ପଥର ରହିଛି ସେମାନେ ୮୯୮୪୪୦୭୨୮୧ ନମ୍ବରରେ ଯୋଗାଯୋଗ କରି ସ୍ବଳ୍ପ ଖର୍ଚ୍ଚରେ ଏପରି ସର୍ଜରୀ କରିପାରିବେ ବୋଲି ସୂଚନା ଦିଆଯାଇଛି।
