ଲେହ,୫।୧: ଭାରତ ଚାଇନା ମଧ୍ୟରେ ପୂର୍ବ ଲଦାଖର ଏଲ୍ଏସିରେ ଉତ୍ତେଜନା ବଢ଼ିବାରେ ଲାଗିଛି। ଚାଇନା ସୈନ୍ୟ ବାହିନୀ ପକ୍ଷରୁ ଭାରତ ସହିତ ଯୁଦ୍ଧ କରିବା ଲାଗି ପ୍ରସ୍ତୁତି ଆରମ୍ଭ ହୋଇଛି। ଏଠାରେ ଚାଇନା ଟ୍ୟାଙ୍କ୍ ସମେତ ଅନ୍ୟ ଯୁଦ୍ଧ ସରଞ୍ଜାମ ଠୁଳ କରିବା ଜାରି ରଖିଛି। ଭାରତୀୟ ପୋଷ୍ଟଗୁଡ଼ିକଠାରୁ ପ୍ରାୟ ୨୦୦ ମିଟର ଦୂରରେ ଚାଇନା ନିଜର ସୈନ୍ୟବଳ ବଢ଼ାଉଥିବା କୁହାଯାଉଛି। ରେଜାଙ୍ଗ ଲା, ରେଚିନ୍ ଲା ଏବଂ ମୁଖୋଶ୍ରୀ ଅଞ୍ଚଳରେ ଭାରତୀୟ ପୋଷ୍ଟ ସମ୍ମୁଖରେ ଚାଇନା ୩୦ରୁ ୩୫ ଟ୍ୟାଙ୍କ ମୁତୟନ କରିଛି। ଚାଇନାର ଟି-୧୫ ଏବଂ ଭାରତର ଟି-୯୦ ଟ୍ୟାଙ୍କ ମୁହାଁମୁହିଁ ହୋଇଥିବାରୁ ଅନ୍ତର୍ଜାତୀୟସ୍ତରରେ ଚିନ୍ତା ବଢ଼ିବାରେ ଲାଗିଛି। ସେହିପରି ଭାରତୀୟ ସାମୁଦ୍ରିକ ସୀମାରେ ୧୨ ଚାଇନା ଯୁଦ୍ଧପୋତ ଆଣ୍ଡାମାନ ଆଡ଼କୁ ଆସିବାରେ ଲାଗିଛି। ଚାଇନା ଜାଣିଶୁଣି ଏଭଳି ସ୍ଥିତି ସୃଷ୍ଟି କରୁଛି।
