ଲାଠୋର,୯ା୧(ଡି.ଏନ.ଏ.): ବଲାଙ୍ଗୀର ଜିଲା ଖପ୍ରାଖୋଲ ବ୍ଳକ ଲାଠୋର ସରକାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ନିକଟ ମୁଖ୍ୟରାସ୍ତାରେ ଡ୍ରେନେଜ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଛି। ପ୍ରାୟ ୨୦ ମିଟର ଡ୍ରେନ ପୋତି ହୋଇ ଯିବାରେ ମଇଳା ପାଣି ମୁଖ୍ୟରାସ୍ତାରେ ଭାସୁଛି। ସେହି ରାସ୍ତା ଦେଇ ଲୋକ ଯିବା ଆସିବା କଲାବେଳକୁ ନାନା ସମସ୍ୟା ଦେଖାଦେଉଛି। ଅନେକ ଦିନରୁ ଡ୍ରେନର ମରାମତି କରିବାକୁ ଦାବି ହୋଇ ଆସୁଥିଲେ କୌଣସି ପଦକ୍ଷେପ ଗ୍ରହଣ କରାଯାଉନାହଁି। ଗ୍ରାମର ଆଉ କେତେକ ସ୍ଥାନରେ ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଛି। ଏ ନେଇ ଲାଠୋର ସରପଞ୍ଚ ଜୟଶ୍ରୀ ଭଇଁଷାଲଙ୍କୁ ପଚାରିବାରେ ଡ୍ରେନ ପିଡ଼ବ୍ଲ୍ୟୁଡ଼ି ରାସ୍ତାକଡ଼ରେ ରହିଛି। ଆମେ ସେମାନଙ୍କ ସହ ଯୋଗାଯୋଗ କରି ଡ୍ରେନ ମରାମତି ବ୍ୟବସ୍ଥା କରିବୁ ବୋଲି କହିଥିଲେ।