ମୁମ୍ବାଇ: ବଲିଉଡ୍ର ଚାର୍ମିଙ୍ଗ ଆକ୍ଟର କାର୍ତ୍ତିକ ଆର୍ଯ୍ୟନ ତାଙ୍କ ଅଭିନୟ ଓ ସ୍ମାଇଲିଂ ପାଇଁ ଦର୍ଶକଙ୍କର ବେଶ୍ ପସନ୍ଦ। ଲକ୍ଷେ ଝିଅଙ୍କୁ ଦିଓ୍ବାନା କରୁଥିବା ଏହି ନାୟକ କିନ୍ତୁ କେମିତି ଚାହାନ୍ତି ତାଙ୍କ ଡ୍ରିମ ଗର୍ଲଙ୍କୁ ତାହା ଶୁଣିଲେ ଟିକେ ଆଶ୍ଚର୍ଯ୍ୟ ଲାଗିବ। ଏବେ ସୋସିଆଲ ମିଡିଆରେ କାର୍ତ୍ତିକଙ୍କ ଏକ ପୁରୁଣା ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ସେ ତାଙ୍କ ଡ୍ରିମ ଗର୍ଲଙ୍କ ବିଷୟରେ ଖୋଲା ଖୋଲି କଥା ହୋଇଛନ୍ତି। କିଛିଦିନ ପୂର୍ବେ ଫିଲ୍ମ ଫେୟାରକୁ ଦେଇଥିବା ଏକ ସାକ୍ଷାତ୍କାରରେ କାର୍ତ୍ତିକ ଏହା କହିଛନ୍ତି। ଲକ୍ଷେ ତରୁଣୀଙ୍କ ନିଦ ହଜାଉଥିବା ଏହି ନାୟକ କିନ୍ତୁ ଚାହାନ୍ତି ଯେଉଁ ଝିଅ ଅନ୍ୟମାନଙ୍କ ପାଇଁ ପ୍ରେରଣା ହୋଇଥିବ ଓ ମହତ୍ୱାକାଂକ୍ଷି ହୋଇଥିବ ସେ ସେମିତି ଝିଅ ସହ ନିଶ୍ଚୟ ଡେଟିଂ କରିବାକୁ ପସନ୍ଦ କରିବେ। ସେ ଆହୁରି ମଧ୍ୟ କହିଥିଲେ ସାଇନା ନେହଓ୍ବାଲ, ମେରି କମ୍, ଗୁଞ୍ଜନ ସାକ୍ସେନା, ବର୍ଖା ଦତ୍ତଙ୍କ ଭଳି ଝିଅ ତାଙ୍କର ଖୁବ୍ ପସନ୍ଦ। ଏମିତି କ୍ୱାଲିଟି ଝିଅଙ୍କୁ ମୁଁ ଡେଟ୍ କରିବାକୁ ଚାହେଁ ବୋଲି କାର୍ତ୍ତିକ କହିଥିଲେ।